| 黃翠如（左圖）、杜如風 | next 1/1 pre |
 | |
| 日前黃翠如同男友蕭正楠宣傳新劇時表現煙韌，真係羨煞旁人！（資料圖片） | next 1/1 pre |
 | |
| 杜如風（資料圖片） | next 1/1 pre |
 | |
| 黃翠如（資料圖片） | next 1/1 pre |
黃翠如到電台宣傳即將首播的新劇，講到她和男友蕭正楠日前宣傳時，戀情被擺上台。她指無所謂：「唔緊要，宣傳到冇所謂。」問到宣傳期間豈非可以寓工作於拍拖？她說：「宣傳會成日見囉！佢想同曹永廉晒恩愛多啲。」她指劇中兩人少談情對手戲，到最後才會相戀。問到如拍續集會否要求兩人飾演情侶？她就賴觀眾說：「觀眾未必有興趣睇！」
撐無綫打救亞視
她又指看到電子媒體均出手幫助亞視的新聞，感到非常開心：「一齊互相幫助，香港好團結。（自己點支持？）其實我爸爸媽媽會睇亞視，因為會播內地劇。依家公司幫佢哋買粵語長片（嘅方法）好好，呢個係香港好獨有嘅藝術品，睇下會唔會有機會展覽，係好珍貴嘅香港財產。」
有意跟杜如風合作
講到杜如風的旅遊節目被喪插，她力撐對方：「我覺得個節目好成功，點都好，一個旅遊節目係咁洗版有NOISE係好好。其實佢係旅遊前輩，仲早過我拍，佢啲風格好早就定咗，得佢先做到，如果由我講出嚟冇咩喜劇感。（你依家青出於藍？）唔同觀眾層啫，鍾意睇佢嘅人又未必鍾意睇我，佢走喺潮流嘅尖端，我就冇SHOPPING CONCEPT，叫我講潮嘢真係講唔出口。」對於網民對杜如風的人身攻擊，她大讚對方EQ高：「佢好叻好聰明，係智慧女子，呢啲對佢嚟講冇咩野。唔需要安慰佢，佢都唔需要人安慰。其實佢已經輕手咗，以前仲癲！」她又稱想和對方一同合拍旅遊節目，問到是否拍《流行地府》？她笑言：「咁我又唔想咁快遊地府，想一齊做個節目，我哋風格咁唔同，撞埋一齊應該幾得意。（可能會鬧交？）鬧交仲好睇」
|
鍾意就快D Share啦！
|
|
|