網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年1月14日 星期三

[FACE - 399] 唔怕你話 最貴買 4萬蚊勞 平反港女臭朵 杜如風:同男友旅行都係 AA制!! 杜如風,MF,




被網友攻擊多日,杜如風周日依然帶住兩隻愛犬行百萬行,表示心情不受影響。

真面目

唔怕你話 最貴買 4萬蚊勞 平反港女臭朵 杜如風:同男友旅行都係 AA制!!

到底係大台不思進取一成不變,定係怕咗班慣性觀眾唔敢變?呢個問題嘅答案,隨住杜如風輯《流行首爾》開播終於浮面:唔係第一日以自 high癲喪 style做旅遊節目,杜如風做咗八年主持相安無事,一入主流免費電視就俾人圍插,你話係主持定觀眾問題?仲有呀,唔好乜都賴晒班師奶,大把上網留言人身攻擊的都係後生巴絲,又話唔睇大台嘅?

被插又肥又老兼世界級港女,杜如風終於反擊:「乜港女定義唔係攻心計使男人錢咩?但我冇一個男朋友係有錢人、我同男朋友旅行都係 AA制喎!」

《流行首爾》首集已經接獲七宗投訴,網上惡評如潮,更有人要求腰斬,不過高層余詠珊就話:「唔會腰斬一個收視 20點嘅節目。」嘩, 20點樓下嗰啲,驚驚呀!

香港人幾時變得蠻不講理,係又投訴唔係又投訴?食家名人主持旅遊節目狂嗌悶、翠如 BB又話高層偏心自己人,今次大台一心求變,搵嚟杜如風主持《流行首爾》,播得一集就瘋插求腰斬,其實由旅遊兼專欄作家,升格變旅遊節目主持;由大台收費台,做到上免費電視,杜如風的旅遊節目長做長有、越播越主流,都係因為其爆肚亂吹癲喪格人冇我有全港獨家。

自封垃圾婆

一夜之間臭名遠播,杜如風周一( 12日)接受本刊電話訪問,不失口硬兼玩得本性,似乎心情未受影響:「話我唔貴唔買絕對錯,我係垃圾婆就真,乜都買乜都儲,最鍾意捐窿捐罅買嘢, 5蚊件、 19蚊件都會尋寶。一世人買過最貴,都係隻四萬蚊勞力士俾我爹哋 70大壽。其實講真,我真係唔知港女嘅定義係乜,我一直以為港女係有好多攻心計啦、去勾住個男人啦,然之後就使啲男人錢啦,但係我啲男朋友冇一個係有錢人、我同男朋友去旅行都係 AA制!咁我啲錢又唔係天度跌落嚟,我做咗八年主持、寫書寫專欄又有接 job,又唔係靠父母又唔係靠男友,都係用我自己賺番嚟嘅錢,咁我諗都唔係好嚴重啩。啲網友評論已經超出節目製作,去到人生攻擊,我又冇乜嘢,一笑置之囉!」

杜如風是家中獨女,自稱最貴都係買勞送俾曾任職嘉禾宣傳部的父親杜惠東賀七十大壽。

《蘋果日報》圖片

拍過黃又南

拖過 Eric So

盛傳杜如風同又南及王菀之現任 Eric So拍過拖,現時感情狀況就仍然單身。

09年《流行東京》

其實 09年開始主持旅遊節目,無論在大台定 now,杜如風主持風格如一,一向怪人怪行兼怪噏,唔明點解網友到今日先嚟出招。

電視畫面

13年《風行全世界》

網上圖片

15年《流行首爾》

電視畫面

潛力港女

杜如風算唔算港女有待深究,不過前大台小花岑潔儀就因為睇唔過眼喺微博發聲撐,暫時幫杜如風轉移視線,成為網友攻擊新目標,岑潔儀話:「我睇得好開!」

網上圖片

《一擲千金》千金小姐出身、同陶喆傳過緋聞、做過 Sales又轉投過港視,岑潔儀嫁前都的確有靠過自己努力。

電視畫面

杜如風因為買袋買鞋俾人插,岑潔儀 8日發表言論同網友打對台。本來一番言論有道理,不過錯就錯在發言嗰個衣食住行都係靠馬來西亞富商老公 Dixon,慘過杜如風自己賺自己使。

被網友圍插,大肚 Zoey話老公勝在開通陪睇評論:「我都睇得好開,雖然今個星期就要入養和生仔,但情緒冇受影響。」



鍾意就快D Share啦!