去年聖誕節，司馬燕在家中開 party，據知當時只有 50磅的她仍堅持親自下廚。
封面
昏迷轉院 封鎖消息 司馬燕願愛夫再娶
抗癌鬥士司馬燕自 12年不幸患上胃癌後，曾被迫切掉胃部，病情亦一度好轉，前年司馬燕老公吳忠義（ Togi）為氹老婆，還帶領全家到荷蘭再舉行婚禮。
抗癌 4年，週六（ 10日）傳出司馬燕在家中昏迷，急送東區醫院，翌日更傳出死訊，消息至週一（ 12日）截稿前仍未被證實，但週日吳忠義木無表情返回家更對傳媒表示冇回應。其實向來樂觀的司馬燕早已做好準備，除了將資產套現轉讓給兒子外，更叮囑老公吳忠義要再娶，有好友、丈夫及兒子支持，司馬燕可說無憾了。
抗癌鬥士 51歲司馬燕最近一次露面，已是去年聖誕節與親友在家開派對的微博圖片，雖然司馬燕當時已瘦至剩 50磅，但親切笑容和精靈眼神依舊，好友肥媽向本刊透露：「佢個人好 positive，做冬前見過， 70磅（實為 50磅）仲煮飯、整蛋糕畀我哋成班人食，佢係好叻煮嘢食嘅女人！」
好友心情低落
週日突然傳出司馬燕死訊，有指司馬燕亦由原先一直養病的養和醫院，轉到東區醫院，大批傳媒湧到東區醫院等候，至下午時份有傳媒拍得吳忠義木無表情載着兩名兒子返回紅山半島家中，對傳媒發問不作回應。
「 Michelle之前已經安排好晒，早前已經將自己嘅資產套現，想留番俾兩個仔日後用嘅，而大仔之前都應承咗，嚟緊會繼續去英國升學，兩個仔咁生性佢都無嘢好擔心，反而擔心個老公。有次佢趁住有朋友喺度，當眾同老公講，話如果佢行先一步的話，唔會要求老公終身不娶。」據知吳忠義當時無奈應承，同場朋友都忍不住飲泣，唯獨司馬燕仍然帶着微笑。
老公愛錫 18年
週日（ 11日）吳忠義返回屋企時，還是遮掩不住愁容。本刊記者曾嘗試聯絡司馬燕身邊好友，肥媽、吳麗珠、周美鳳等人，但全部對最新病情封口，只肯談近期與老友相處軼事。司馬燕另一密友連炎輝就以短訊回覆說：「對不起，心情不好，暫不對話！謝！」，似乎心事重重。
原名韓少玲的司馬燕， 83年參加大台舉行的《理想的黃蓉形象選舉》而入行，期間因參與《歡樂今宵》而廣結好友， 96年息影並下嫁荷蘭籍老公吳忠義，多年來相親相愛，大仔吳景滔更於 06年參與電影《父子》，於台灣和香港都獲得最佳男配角獎項。後來舉家搬到北京居住，於 11年回流返港。
司馬燕之後不幸驗到患上胃癌，老公吳忠義將工作帶回家，與工人一同 24小時照顧愛妻，「佢（司馬燕）都好開心請到𠵱家呢個工人，每日幫佢按摩，煮嘢又好食。」好友吳麗珠說，「上星期我仲去醫院探佢，佢叫我買萄撻畀佢食添！」司馬燕樂觀好客，有美好家庭外，更贏得圈中的真友誼。
司馬燕：你會在 ifc見到我！
個人都唔響度，唔好問。（佢先生同你講咗？）我都係睇 facebook同 WeChat講咋！啲人唔知頭唔知路做咩要咁寫啫！打佢（司馬燕）電話冇人聽，屋企電話唔通，梗係擔心啦， 30年老友，佢得番幾廿磅，做冬前見過，不過佢個人好 positive， 70磅都仲煮飯，整蛋糕畀我哋成班人食，佢係好叻煮嘢食嘅女人。
佢話想食葡撻，我有時間就買了葡撻去醫院畀佢，佢好開心，我見到佢食到好滿足咁樣。佢好鍾意熱鬧，佢話過，「我一好番就會去行 ifc，你會喺 ifc見到我！」聖誕節時候，佢仲跟我哋傾咗 4小時，佢 ok的，因為佢剛睡醒。
|
鍾意就快D Share啦！
|
|
|