[忽然1周 - 1022] 偉仔零興趣發哥嘉玲放心行 發哥,劉嘉玲,嘉玲,梁朝偉,偉仔,周潤發,MW,

素顏嘉玲晨咁早起身，同發哥一齊行石澳嘅龍脊，呢條路線曾經俾《 Time》亞洲版選為亞洲區嘅「最佳市區遠足徑」。發哥真識揀！

媽咪姐

偉仔零興趣發哥嘉玲放心行

農曆新年，又係捕獲野生發哥嘅好時候！事關呢位香港精神領袖好有家庭觀念，一定留港過年陪發嫂。發哥之前接受訪問，仲一早講明最鍾意新年去行山，貪呢個時候少人行，熱烈歡迎大家去捕佢咁話。

嗱嗱嗱，發哥真係無講大話！年初五，嘉玲就 post咗佢同發哥行山嘅相上微博，真係羨慕死人呀。不過，好多網友望住張相，最關心嘅竟然係偉仔在哪兒？一個問完，另一個又問。唔驚唔驚，梁生梁太感情不知幾好呀！啱啱仲同發哥夫婦齊齊食飯玩 selfie㖭。查實呢，媽咪姐知道偉仔放假只鍾意睇吓戲食吓嘢咁，行山真係唔多啱佢。依家嘉玲有發哥呢位行山專家陪住行，佢仲不知幾 happy幾放心㖭！

星級 Gathering

網民見偉仔冇去行山，瘋狂追問！唏，第二日咪見到偉仔孖嘉玲同發哥發嫂去印尼餐廳食飯囉。仲有紅姑佢哋㖭。

發哥新年好忙㗎！之前都同林曉峰夫婦食過團年飯。自拍？指定動作啦。

偉仔唔愛行山，鍾意食好嘢嘆紅酒。所以同印尼餐廳老細蔣翹帆（左一，同 DaDa陳靜傳過緋聞㗎！）好 friend，成日去試菜。想捕獲佢， try try

鍾意就快D Share啦！

下一篇 》