[忽然1周 - 1022] 曾國祥王敏奕湊仔去嘉年華 王敏奕,曾國祥,MW,

媽咪姐

曾國祥王敏奕湊仔去嘉年華

志偉囝囝曾國祥不嬲異性緣強，但同王敏奕眨吓眼就拍咗年幾拖，睇嚟真愛係會令一個人改變。佢哋依家去邊都孖公仔， sweet到暈，似乎好事近喎！話說前幾日媽咪姐撞到佢哋去咗中環海濱個嘉年華，同行仲有個小朋友，吓！唔係秘密結咗婚，連仔都生埋嘛？個仔係邊個嘅唔重要，但重點在於王敏奕母愛氾濫，趁個小朋友玩機動遊戲，就不停揸機幫手影相，簡直好似一家三口去玩咁，睇見就溫馨。咁後生又咁鍾意小朋友，曾生咪走寶，快啲娶人

其他影片：>>曾國祥王敏奕拍拖揍仔

曾國祥掛住玩手機，女友王敏奕幫手睇住個「仔」。好彩係幫人湊啫，曾生理都唔理吓。

男友曾國祥啲前度多到數唔晒，不過睇佢同王敏奕拍咗年幾拖， 35歲嘅佢似乎被「收服」。

上年喺大台播嘅《女人俱樂部》，王敏奕（左一）因為飾演「𡃁版」李麗珍，而成功上位。

鍾意就快D Share啦！

下一篇 》