[壹週刊 - 1301] 李玟孤寒自己 闊佬奶奶 李玟,BKD_S,M1,

老爺剛剛離世， CoCo更加抽多啲時間陪住奶奶。

同你吟一吟

李玟孤寒自己　闊佬奶奶

老公 Bruce身家億億聲，不過 CoCo李玟冇打算繑埋雙手留响屋企做少奶奶，經常返大陸做騷開演唱會，堅持婚後都要有自己事業。早排《壹》仔見到佢兩公婆手拖手行 ifc連卡佛睇家品。

成張人肉信用咭响隔籬，但 CoCo冇亂嚟，孖住老公齋睇唔買，行夠就返上四季酒店服務式住宅休息。慳住老公荷包，但 CoCo對奶奶就好手鬆。另一日，又係 ifc， CoCo陪住喺美國嚟嘅奶奶四圍 shopping買鞋。

舊年年尾，老爺膀胱癌離世， CoCo對奶奶更加千依百順，只要老人家睇中，即碌咭。嫁鬼佬， CoCo本身作風洋化，唯獨孝敬奶奶，跟番傳統，做好新抱。

奶奶試緊鞋款， CoCo自動波埋櫃位埋單。

本身係遺腹女嘅 CoCo，當正老爺 Murray（右一）係自己老竇，佢仲打算盡快同老公 Bruce生番個， BB將來用埋老爺同一個名。

兩公婆各自各忙，難得一齊喺香港拍吓拖。

老公大把身家，但 CoCo冇亂使錢，行街齋睇唔買。

鍾意就快D Share啦！

下一篇 》