同你吟一吟
王菀之矇豬眼招搖
常言做人冇幾多個十年，所以大家要抓緊每一個機會，珍惜分秒。呢種說法，對 05年出道嘅王菀之嚟講， fit晒！
舊年喺《金雞 sss》破格演出，成功喺影圈打開一條財路，嚟緊第三十四屆香港電影金像獎，《金雞 sss》嘅吳璐一角，入圍「最佳女配角」同「最佳新演員」，再加埋《 Delete愛人》、《分手 100次》提名「最佳新演員」兼「最佳原創電影歌曲」，王菀之叫五飛！
拍戲可以任由剝皮拆骨，但私底下又係另一種態度。早排王菀之同媽咪馮志麗行太古城，冇化妝打散頭髮，戴口罩僅僅露出雙眼，可惜對矇豬眼實在太招搖，就算王菀之買乜都係快快手，急急腳走，但百密一疏，一樣飛唔出《壹》仔鏡頭。
點都好，一個人有五項提名，幾乎冇黐牙咁滯！王菀之事業第一個十年，已經有收成。
|
鍾意就快D Share啦！
|
|
|
