掃呢頁CODE去手機

2015年2月12日 星期四

[壹週刊 - 1301] 又換畫 過氣五虎追足兩年 李彩華開綠燈 杜拜見家長 李彩華,M1,




我哋識咗好耐!(真實對白)

探熱針

又換畫 過氣五虎追足兩年 李彩華開綠燈 杜拜見家長

不停在內地吸金的小富婆李彩華,過去幾年身邊緋聞男友氹氹轉;去年初,與家族擁有四個煤礦,物業遍布杜拜、美國等地的內地富二代男星萬思維撻着,之後又傳她跟汽車美容店老闆 Thomas Lee密切來往,男伴個個非富則貴。

最新加入裙下戰圈的,還有過氣無綫「新五虎」何遠恒,在大陸做生意賺到盆滿缽滿的他,據知已追了李彩華兩年,早前何遠恒帶李彩華遊杜拜,女方家長亦有同行,唔通連父母嗰關都過埋!

搞裝修發圍

專吸富貴男的李彩華,數月前被發現身邊人已換上過氣「新五虎」,已轉行搞裝修公司做咗老闆的何遠恒。九五年,他曾與古天樂、劉愷威、古巨基和吳家樂被無綫捧為「新五虎」,可惜撈極唔起,決定轉行,早年在內地做冷氣工程和瓷磚生意,近年開埋裝修公司,搵落唔少。

據悉,何遠恒已追了李彩華兩年,憑住一份耐力,終於贏取女方信任,去年底,何遠恒「獲准」與李彩華及其父母再加另一啤朋友,三啤人同到杜拜旅行。在何遠恒的微信朋友圈中,放有不少他跟李彩華合照,包括頭貼頭的親暱相。

杜拜之旅除了李彩華和何遠恒外,還有李彩華父母及另一對圈外朋友。

去年底李彩華及過氣「新五虎」何遠恒到杜拜旅行,面貼面、身貼身合照,非常親暱。

朋友圈公開

「阿 Rain真係有好多人追,不過咁多個以呢個阿恒最有耐性。雖然佢唔係咩內地富二代,但佢做裝修生意白手興家,條件都唔錯,更難得係踏實唔花弗;佢啲公司喺上海,阿 Rain又成日喺上海拍嘢,所以有好多機會相處。去年底阿恒仲陪咗佢同埋阿 Rain父母去杜拜旅行,嚟緊農曆新年亦 plan咗同埋阿 Rain啲朋友去外面玩。」知情者說。

對於新戀情,李彩華回應說:「我哋係朋友嚟咋!大家識咗好耐。(佢追咗你兩年?)冇喎,如果係,我會話俾大家知,呢啲都係值得恭喜嘅事嘛!」

何遠恒就算見埋家長,都未被「認定」,多人追,富婆李彩華果然唔憂嫁。

有「才」有貌有米多人追,李彩華身伴富貴男友不絕,難得她北上吸金仍樂意性感示人。

李彩華過着富貴生活,最愛用 Hermes手袋。

李彩華是圈中小富婆,不時掃珠寶名錶。

李彩華的男伴個個條件好,之前她便跟金融才俊潘啟翀出雙入對。

早前傳跟汽車美容店老闆 Thomas Lee關係密切,對方更送了一隻八十萬鑽勞給她。

李彩華近年身邊男伴車輪轉,去年初傳與家擁四個煤礦的內地富二代男星萬思維撻着。

最霉五虎

何遠恒是無綫九十年代力捧的新五虎之一,同期成員有古天樂、古巨基、吳家樂和劉愷威。在新五虎中生得最高大,但樣貌普通的他,是五人中發展最不理想一個,令人較有印象的演出,只有《大鬧廣昌隆》的車達君和《殭屍福星》中的學良。幕前撈唔起,之後返內地做生意,白手興家。

何遠恒於 95年曾被無綫力捧,與古天樂、劉凱威等同屬新五虎成員。

曾與譚小環和陳曉東拍劇集《殭屍福星》。

鍾意就快D Share啦!