[壹週刊 - 1303] 四度復合 同居生活 陳司翰落廚氹莊思明 莊思明,思明,陳司翰,M1,

探熱針

四度復合　同居生活　陳司翰落廚氹莊思明

陳慧琳弟弟陳司翰跟莊思明拍拖四年，離合多次，去年八月傳出女方遭「家暴」，二人各自發聲明澄清後四個月，又被發現同遊韓國。第四度復合，二人開始同居生活，經常拍拖買餸玩煮飯仔，陳司翰更放下大男人架子，下廚氹女友。

唔叻但鍾意煮

陳司翰和莊思明這對「佳偶」，離合 N次，床頭打交床尾和；去年十一月，又再翻撻！

「佢兩個之前就算分咗手，都會照去朋友啲 gathering，可以無事做番朋友，加上兩個次次都係為啲小事分開，所以好容易撻番着。」二人身邊朋友說。

第四度復合，開始懂得照顧身邊人的陳司翰和莊思明關係大躍進。

上週四（二月十二日）傍晚六點，陳司翰揸車與莊思明到跑馬地買餸，泊好車後，二人走入超市，陳司翰先行去凍肉櫃揀豬排，然後又去攞汽水啤酒，其間聽到他向女友說之前已經試煮多次，又話今次一定會成功……

「其實 Vincent（陳司翰）煮嘢食唔叻，不過就鍾意落廚，因為 Lisa（莊思明）唔食牛，所以 Vincent多數煮羊同豬，呢排佢唔使返大陸拍嘢，更加多時間練習。」

莊思明 28歲生日，跟孖生家姐莊思華齊齊慶祝開 P，當晚陳司翰也有現身，但依然企在暗角。

二人在凍肉櫃揀豬排。

見女友震住揀食品，他即變身暖包攬女友。

連體嬰行街

行完超市，二人又去便利店，陳司翰揀了多款軟糖，離開時笑晒。

做人肉暖包

二人在凍櫃附近磨足半粒鐘，著得不夠暖的莊思明不斷嗌凍，陳司翰隨即變人肉暖包，攬實女友。

買完俾錢，將一袋二袋放上車後，二人攬實行去附近便利店買糖，近八點，二人一齊返回蟠龍道愛巢，玩煮飯仔。

「近排佢哋鍾意食住家飯，都好少出去蒲，淨係 Lisa搞生日 party嗰晚，兩個先一齊出過嚟， Vincent仲特登買咗個蛋糕送俾 Lisa，比起以前，算好有表示啦。」二人身邊朋友說。

買齊食物，二人返跑馬地屋企開餐。

大家姐莊思敏有份投資的華星客棧開張，莊思明都有去撐場。

去年 12月，二人被拍到同遊韓國，但在咖啡店各顧各，一啲都唔親密。

雖然已被調離電視劇《愛•回家》，莊思明跟劇中一班演員依然有聚會。

還是覺得你最好

戀人離離合合，在情路上碰撞兜圈後，才發現「還是覺得你最好」，從此珍惜眼前人，修成正果。

吳雨霏　 Brian

剛為人妻的 Kary（吳雨霏），與網球王子 Brian（洪立熙）是青梅竹馬的初戀情侶， 09年被踢爆已拍拖四年，翌年突然宣布分手。分開後，男方一直對 Kary念念不忘， 12年被發現同遊泰國復合， 13年又再次分手。直至 Kary被余文樂情傷，最終重回專一的 Brian懷抱。

鄭秀文　許志安

由 91年開始發展長達十年的地下情，當中離合多次， 01年安仔在頒獎禮發表廚房宣言，戀情公開。 04年，二人拖拖拉拉的關係終告結束，安仔先後跟助手及圈外女友 Michelle拍拖， Sammi則與古天樂傳出緋聞， 10年，安仔撇甩 Michelle，全力翻撻 Sammi，二人 11年正式復合，去年秘密註冊結婚，成為夫妻。

鍾意就快D Share啦！

下一篇 》