網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年2月26日 星期四

[壹週刊 - 1303] 容祖兒劉浩龍 大阪補慶情人節 祖兒,劉浩龍,浩龍,容祖兒,M1,




有男友通風報訊的 Joey,避走二號客運大樓,依然同記者撞到正,搞到天后扁嘴。

探熱針

容祖兒劉浩龍 大阪補慶情人節

週日(二月二十二日),容祖兒為譚校長的《銀河歲月 40載》演唱會,做完第十場表演嘉賓後,即晚便與男友前後腳現身機場,又閃縮地分開客運大樓離港,搭凌晨機飛大阪,補度情人節。拍拖超過兩年,關係通晒天,容祖兒、劉浩龍未免多此一舉!

今時不同往日

由一月尾到二月中,劉浩龍都要交出時間,為大年初一(十九日)上畫的賀歲片《金鴨》做宣傳,除了情人節食過容祖兒親手煮的龍蝦意粉和南瓜沙律外,幾乎都在工作中度過。

本週日(二十二日),天后女友為譚校長的《銀河歲月 40載》演唱會做嘉賓,劉浩龍亦有現身撐場。在台上, Joey提到同譚校長合唱《偏愛》因為難度太高,要搵人陪練歌時,校長抵死說:「阿龍囉!」

做完表演嘉賓, Joey未有等完騷,隨即孖住劉浩龍前往機場,準備乘坐凌晨一時五十分的飛機,前往大阪補度情人情。

Joey穿針引線下,劉浩龍大鑼大鼓加盟太陽娛樂, Paco更表示會為他在紅館開演唱會。

新年大魚大肉, Joey接受保安檢查時,巨躉現形。

「師兄以前大把時間陪 Joey,而家轉咗會(太陽娛樂)加上撞啱要做《金鴨》宣傳,個 schedule排到密晒,所以師兄一早同公司攞定假, plan好喺新年後同女友出埠,補祝情人節。」一名太陽娛樂員工說。

本週日 Joey為譚校長做演唱會嘉賓,劉浩龍亦有撐場。

各走各路

晚上十一時四十五分,冇戴口罩,一身黑色運動 look的劉浩龍現身機場一號客運大樓,老遠就瞄到有記者,主動上前講完「新年快樂」後,便頭也不回直標入禁區。

十五分鐘後,容祖兒在助手陪同,現身機場二號客運大樓,一早有劉浩龍通風報訊的 Joey,見自己被鏡頭「隊」住,即扁晒嘴。記者上前問她:「去邊度旅行呀?係咪同劉浩龍一齊去?」 Joey都充耳不聞,只衝住行前往安檢。經過農曆年的大解放,昔日練到有馬甲線的 Joey,入禁區前罕現巨躉!

Joey不單為劉浩龍爭取到在《金鴨》演三大配角之一,自己亦性感上陣,客串一角。

阿媽陪掃減價貨

過年前,劉浩龍忙宣傳,想趁減價為屋企添家品的容祖兒,唯有搵助手做伴。晚上七時, Joey現身銅鑼灣名店坊,目標是正在減價的 Franc Franc,碗碟、托盤乜都執,揀了近半個鐘,大病初癒的祖兒媽出現,兩母女在減價貨品區繼續「尋寶」,最後磨足一小時,滿載而歸!

Joey對減價書櫃好有興趣,同大病初癒的 Joey媽(箭嘴)多番研究,但最終都無買。

男友忙為《金鴨》宣傳, Joey唯有搵助手陪掃家品。

鍾意就快D Share啦!