[FACE - 405] 連播三劇 美棋 BB羊年唔輸得 美棋 BB,黃美棋,MF,

女神都要拜神！美棋 BB每年都會到文武廟拜神，佢話上年工作收入都唔錯，所以新年期間稍有空閒即去還神。

爆 Like王

連播三劇　美棋 BB羊年唔輸得

港視開台 3個月，劇集因欠宣傳收視大跌，《選戰》同《來生》又玩完。為咗救亡，港視決定用人氣最旺嘅美棋 BB搶收視，剛剛播完《我阿媽係黑玫瑰》之後，緊接上場的仍然有美棋 BB的《第二人生》和《導火新聞線》，之前播種期，羊年開始收成

黃美棋亦趁住新年期間，走到上環文武廟還神，除咗多謝神明庇佑外，仲話新年願望係結婚、生仔、做打女，一個人有 3個願望唔算貪心啫！

首次同影后惠英紅合作，美棋 BB話最好開埋電影版，等佢打到夠喎！《蘋果日報》圖片

F：《 FACE》　棋：黃美棋

F：呢 3套劇同以往嘅角色有冇分別？

棋：一知道《黑玫瑰》有惠英紅做阿媽已經好興奮，影后喎！其實緊張嘅，驚自己做得唔好！屋企戲份多，會大家傾吓點樣做得到一家人嘅氣氛呢，我哋要熟絡咗至去演。《第二人生》演趙學而年輕版，有場戲講我飲醉之後同後生版劉浩龍發生咗關係，生咗個 B，有啲親密戲囉，不過冇床戲嘅！《導火新聞線》我又係結咗婚有個 B，個 B係陰陽人嚟，我覺得幾得意，大家冇諗過美棋會做阿媽嘅角色囉！

F：仲有冇童星包袱？

棋：我唔覺得㗎！高度係（ 160cm），哈哈哈！年紀同心智都唔係㗎！我鍾意做打女嗰啲，因為我好鍾意睇英雄電影，女警、臥底呀，又想做吓壞人，黑社會大家姐呀！因為我外型有好大嘅限制，所以從來冇人搵我做。

美棋 BB原來係神婆一名，廟內所有神明都要逐一參拜，更會跪拜而且口中念念有詞。

F：點解嚟文武廟還神？

棋：上兩年試咗唔同嘅嘢都幾得意，譬如做商場騷唱吓歌咁，細個做童星嗰時一定冇呢啲機會，但我好唔擅長唱歌，把聲唔靚！（見你跳埋舞喎！）唉！嗰啲，等自己冇咁緊張咋，每次都好緊張，自己天資唔好，五音不全，一定唔會做歌手。近排有個願望，希望《黑玫瑰》拍到電影版，網上好多人留言話想睇 25集足本版，咁不如嚟個電影版啦。你俾多啲打戲我啦，我好鬼恨喺大廈個頂度企喺度幾鬼威呀！ Batman、 Superman都係咁樣咋，望住成個香港，幾威！

有傳美棋同有線主播鍾健威拍拖近一年，但美棋 BB否認，仲話𠵱家好恨拍拖，婚後想做生仔婆，咁鍾健威點諗先？《忽然 1周》圖片

F：恨唔恨拍拖結婚？

棋：好恨結婚㗎！我好想 30歲前結到婚生 BB㗎！我想生兩至三個，本身我想生三個，因為我有一個哥哥、一個家姐，有乜嘢事可以搵阿哥，傾心事可以搵家姐喎；阿哥搵唔到呢個妹可以搵第二個妹喎；做家姐又可以搵阿哥幫手，又可以搵阿妹笨喎，幾開心！但嗰日同媽咪傾偈，佢勸咗我好耐，唔好生三個啦，生兩個老公最緊要孝順、對我好呢啲老土嘢唔好大我太多，我唔鍾意靚仔㗎，佢咁靚仔會唔會好多女仔圍住佢？好冇安全感。

鍾意就快D Share啦！

下一篇 》