[FACE - 405 - 大專校園] 知專設計型女 靠潮媽搵創作靈感 MF,

香港知專設計學院形象設計系 Yr.1

李嘉慧(Amber)

Amber話要走在潮流尖端，喪煲潮流雜誌、網站是常識，好似 Vision numero vogue、 Pinertest，佢一個禮拜仲會行 3、 4次街，睇吓時裝行情，唔係會好易 out㗎！

U花 U草

知專設計型女　靠潮媽搵創作靈感

讀得設計唔多唔少會想出國見識深造吓，好似現就讀香港知專設計學院形象設計系 Yr.1嘅李嘉慧(Amber)，佢想讀完 2年 HKDI之後過法國著名設計學院 ESMOD讀書，不過佢話：「我由細到大都好鍾意設計，我好認真㗎，過去法國真係想深造設計呢一行。」

原來 Amber對設計情有獨鍾，全因背後有個同樣走在潮流尖端嘅媽媽，兩母女經常交換潮流心得，而且 Amber創作時候媽媽仲會俾靈感佢：「我咁鍾意 fashion都因為媽媽，我細個媽媽已經扮到好似小 model咁，加上佢好有潮流觸覺，每季佢都會留意潮流興啲乜，成日會同我講『跟我著實冇死！』所以我好多時會向媽媽攞 fashion貼士！」

Amber目標好清晰，一心想入讀法國巴黎著名時裝設計學院 ESMOD，全因大部分名牌例如 Dior、 D&G、 YSL嘅設計師都係 ESMOD畢業生，可以話入得去讀就叉咗半隻腳入潮界，問佢有冇信心， Amber就好謙話：「其實成績係其次，反而自己嘅作品最緊要，所以大、小型花生騷我都去睇，令自己不斷有靈感設計有特色嘅衫，希望呢啲都可以幫我整靚個 portfolio。」

Amber（中）喺 VTC聯校最大型嘅服裝設計比賽《 My Style》以「佛」做主題，佢親自着上身做 model行天橋，最終力壓 20隊對手，勇奪冠軍兼拎埋創意獎，認真犀利。

有其母必有其女， Amber話佢同媽媽（右）都覺得今年潮流興花花同 all white， Amber仲話會同媽媽交換衫着，原來 Auntie同 Amber一樣咁 fit。

Amber喺學校好受同學歡迎，因為好多同學都指定搵佢指導點樣襯衫，而 Amber仲會親自同佢哋「由頭買到落腳」，十足形象指導。

鍾意就快D Share啦！

下一篇 》