網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年2月25日 星期三

[FACE - 405] 有錢的煩惱 𢭃完利是點用好呢? MF,




全知言

有錢的煩惱 𢭃完利是點用好呢?

過年最期待之一嘅節目,當然係𢭃利是

有冇諗定啲利是錢點使好呢?

全知言趁過年𢭃利是之餘問咗不同藝人,睇吓佢哋有乜意見,可以參考吓喎。

蔡瀚億 請長輩飲茶

細個好想拆利是,人愈大愈唔想拆,上年嘅利是今年先拆,好似有種感覺係畀個意頭繼續落去,所以今年嘅利是出年至會拆,當你拆利是嘅時候會諗起一啲長輩,都係一種意義,可能因為咁搵佢飲吓茶,都幾好吖。

詩雅 捐出去

之前咁多年利是都係唔拆,儲咗 5年,上一年拆晒,因為想當係重新嚟過,都有成幾萬蚊。今年會拆嘅,一半以上會捐出去畀我助養嘅兒童,助養咗一個,另外會買啲自己鍾意嘅嘢送畀自己,但未諗到買乜。舊年大部份都係捐出去,其他畀晒媽咪,所以今年想買番份嘢回報自己嘅努力。

周柏豪 畀阿媽做零用

利是一年比一年多,因為每年識嘅人愈嚟愈多,係一個福氣,大個仔喇,會將所有利是錢畀晒爹哋、媽咪做零用錢,係時候報答番佢哋唔知佢哋有冇買嘢呀,可能買番嘢俾我食啦。反而過年會使好多錢,會出雙糧畀爹哋、媽咪啦,雖然自己未結婚,都會派利是畀同事同工作人員,派得多係開心事。

劉浩龍 入豬仔錢箱

細個會到初十五至開,人大咗冇咁等錢使,所以我有個好大嘅豬仔錢箱,將咁多年利是錢入晒落去,得軟嘢冇硬嘢嘅,睇下幾時劏咗呢隻豬睇下有幾錢。

最好笑係我搬屋唔會畀人搬隻豬仔嘅,我自己搬,都儲咗三、四年。印象中最大封係一萬蚊,唔記得邊個派。暫時冇結婚派利是計劃喎,想同新公司磨合多啲,努力啲要畀啲積極嘅態度新公司先,希望努力下先啦,五月中有演唱會,同埋要拍戲,所以都幾忙。

關楚耀 買禮物

細個一定去校長(譚詠麟)屋企崵利是,一定係最多,好多親戚都會年初一喺佢屋企,同埋校長好闊綽,但唔講得幾多,一定係 4位數每年利是錢一定會儲起,另外會買啲禮物畀同事,請下大家食飯同封開工利是,環球愈嚟愈多人,五位數走唔甩。

街坊:儲起利是錢讀書用

廖小姐  16歲

主要會買書,小說、漫畫之類,剩低啲用嚟讀大學時用。

陳先生 廣州大學生

會買啲讀書用嘅嘢,同埋畀細佬用,因為佢要使錢,我自己儲咗三、四年,每年二、三千咁上下,點使就做咗嘢至諗。

Rita、 Alex  F.4學生

Rita:我都係儲起,想去韓國玩下。

Alex:儲起利是錢,儲咗三年,或者去旅行用,想同女友去韓國,考完試先。

知無不言 言無不盡 我係全知言

鍾意就快D Share啦!