碧咸嫂激讚潮裙靚到嘉玲1
時尚教主「碧咸嫂」Victoria Beckham與影后劉嘉玲前晚同場出席amfAR慈善晚宴，女神相遇惺惺相惜，賜封嘉玲為「時尚Icon」的碧咸嫂激讚對方的打扮，更影「後」上身狂影嘉玲玉背！而嘉玲昨晚到澳門出席活動時與碧咸嫂互笠高帽，自爆愛穿對方的時裝品牌！
嘉玲以中門大開打扮到澳門睇藝術展，繼續展示個人潮魅！
Victoria收到兒女隔空送卡，隨即放上網晒幸福。
澳門特首崔世安亦是活動嘉賓之一。
日前旋風式襲港的40歲「碧咸嫂」Victoria前晚到邵氏影城出席amfAR慈善晚宴，雖然席上巨星雲集，但她卻對另一大美人劉嘉玲特別欣賞！兩人相遇即一見如故，互笠高帽，事後碧咸嫂親自將合照放上網：「Lovely to meet the super chic Carina Lau tonight.（好開心可以見到劉嘉玲這個時尚Icon！）」可見對嘉玲的印象非常深刻！嘉玲當晚以密實長裙現身，但背面甚有驚喜，深得走在潮流尖端的碧咸嫂歡心，頻頻拍下嘉玲的背影及封她為「全晚最佳衣着」，開腔盛讚嘉玲的Fashion Sense！
「我都着佢嘅設計」
而嘉玲昨晚到澳門與澳門特首崔世安等出席《澳門美高梅藝術裝置展－八面靈龍》活動，以一襲開胸連身短裙亮相晒事業線，並展露行山得來的弗爆身形！提到碧咸嫂力讚是時尚Icon，她興奮地說：「多謝佢，佢尋晚一路影我背脊，話條裙啲Details喺晒背脊。我有同佢交流吓Fashion嘅嘢，估唔到佢咁Nice，平時佢個樣好嚴肅！我都有着佢設計嘅衫，Cutting好啱我。」
曾豪言要與國際名模姬摩絲（Kate Moss）鬥飲的嘉玲笑言為工作只淺嘗，更透露與對方未分勝負：「我同佢都係Cheers，冇鬥酒，因為大家都要工作。」並透露今日會與對方再聚頭！她又表示當晚未能「集郵」，最想與出爐奧斯卡影帝愛迪雷美見面：「最近我好鍾意Eddie Redmayne（愛迪雷美），佢嚟緊套新戲係做女人，好期待！（想同佢合作？）如果係就好喇！喺後生演員當中佢最有潛質。」還豪言有意挑戰做「霍金」！至於愛收藏藝術品的嘉玲亦透露今日會到Art Basel藝術展，但前晚的拍賣環節中卻因價格高昂而未有斬獲。
Victoria收心意卡
講番碧咸嫂今次來港行程相當緊湊，晚宴後翌日又再準備工作，昨晨率先在Instagram以中文向粉絲講早晨，認真識冧粉絲！網上留言為揀衫而煩惱的她品嘗地道龍眼，對這種水果相當好奇，隨即連踩兩站，先到金鐘受訪，再直落中環連卡佛宣傳自家時裝品牌，期間趁空檔與好友共進午餐！適逢昨日是英國母親節，碧咸嫂獲四名子女隔空送上心意卡冧到爆，更在酒店大晒愛意：「I miss my babies.（我好掛住我嘅寶貝。）」
嘉玲以中門大開打扮到澳門睇藝術展，繼續展示個人潮魅！
Victoria收到兒女隔空送卡，隨即放上網晒幸福。
澳門特首崔世安亦是活動嘉賓之一。
|
鍾意就快D Share啦！
|
|
|