| 吳綺莉在有線節目專訪中罕有地談及與成龍關係，仲話拍拖嘅嘢係你情我願。 | next 1/1 pre |
 | |
| 吳綺莉今日現身時一臉憔悴，且再拒絕回應任何提問。 | next 1/1 pre |
 | |
| 吳綺莉愁眉深鎖。 | next 1/1 pre |
 | |
| 雖然備受種種問題困擾，但吳綺莉仍收拾心情開工。 | next 1/1 pre |
 | |
| 吳綺莉暗示冇收過三千萬分手費，仲話個女係佢生出嚟，當然由佢照顧。 | next 1/1 pre |
 | |
| 吳綺莉話佢冇怪過成龍，仲話其實最唔鍾意嘅係自己。 | next 1/1 pre |
 | |
| 吳綺莉話佢都想搵個伴，但感情呢啲嘢要隨緣。 | next 1/1 pre |
 | |
| 吳綺莉接受好友張學潤獨家專訪。 | next 1/1 pre |
 | |
| 吳綺莉似乎立定決心，與女兒共同面對難關。 | next 1/1 pre |
 | |
| 成龍（左）、吳綺莉（資料圖片） | next 1/1 pre |
吳綺莉（Elaine）於1999年與成龍誕下「小龍女」吳卓林，多年來Elaine一直與卓林相依為命，但日前15歲的卓林突然報警稱被母親虐打，繼而警方在其家中搜出疑似毒品，期間又爆出事件與Elaine飲酒有關。連日來Elaine現身時，神情表現均相當憔悴，心情明顯大受影響。
日前Elaine接受有線節目訪問，該訪問由其好友張學潤主持，在今晚播出的第三集內容，多年來甚少談及女兒生父成龍的Elaine，竟罕有地提起成龍。據知有線於節目正式出街前仍一直修改相關內容，似乎因怕觸及太敏感話題。
作為單親媽咪，Elaine承認有巨大壓力，但從未怪責成龍，認為男女拍拖是你情我願，反而最不喜歡的是自己，並多次說出：「我好攰！」對於曾傳出她收過三千萬「分手費」，她間接否認，並說：「個女係我生出嚟o架嘛！我唔照顧邊個照顧？」
張：張學潤 吳：吳綺莉
張：卓林咁大個，有冇同佢講過佢爹哋係邊個？
吳：唔需要我講啦係咪？其實我冇瞞佢，我覺得屋企人係要溝通囉！只不過係我忽略咗佢唔開心，冇諗過佢咁上心。
張：同學仔會講爸爸㗎嘛！
吳：即係好似一件事一開始冇，之後唔會覺得有，因為由頭到尾都冇，其實成件事係個女擔心我。
張：當初點解決定有呢個小朋友？有冇諗過後果？
吳：以前細個唔會講呢番說話，但人大咗，會覺得好多嘢唔係你控制到，係冇得解㗎！當時人生去到嗰步就發生呢件事。我呢兩日都不停問點解，但我答你唔到，因為唔係我報警，我都想依家係拍緊外景，唔係接受緊你訪問
張：當初卓林出世冇耐，你決定去上海定居，點解？
吳（嘆氣）：唉！如果唔係咁，依家嘅佢會更難受，太多輿論壓力！就好似呢件事，每個人有唔同諗法，我今刻都會承受唔到，出到街咩都會畀人講，一百件好事係冇用，小小嘢就夠喇！喺呢個環境，小朋友會承受唔到囉！
「冇資格評論別人」
張：當年你去上海，好多人話你收咗舊錢喎！
吳（嘆氣）：唉！你知我由細到大都唔鍾意解釋，我覺得每段關係一隻杯敲唔響，每一件事冇一個人錯晒或啱晒，No one can be perfect（完美）, OK？我唔perfect就冇資格評論別人。
張：所以咁多年都係你獨力承擔養個女？
吳：個女係我生出嚟㗎嘛！係我個女嚟㗎嘛！我唔照顧邊個照顧呢？係咪？
張：喺上海幾年，你做過咩？我知你畫畫好叻。
吳：做裝修，幫朋友。我自己都做好多木嘅傢俬，做設計畫畫如果唔係都開唔到畫展
張：點解之後又會返嚟香港？
吳：我覺得壓力係我哋承受得到喇！我又要工作，我覺得生活使乜要同人解釋啫？拍拖男女呢啲嘢係你情我願嘅，啱唔啱呀？過咗去就過咗去，仲講咁多做乜？
「我唔鍾意吳綺莉」
張：你有冇討厭成世都同佢（成龍）扯上關係？
吳（停頓片刻）：嗯……每個人遇到嘅嘢唔一樣，我唔係厭倦任何人，如果真係問，我係對住我自己好攰，我唔鍾意吳綺莉呢個人，我好攰呀！聽到人哋叫我吳小姐，我就好厭。
張：你有冇怪呢個人（成龍）？
吳：冇，我冇怪任何人。
張：作為單親媽媽係咪有好大壓力？
吳：所有事都有壓力，係成個package一包禮物咁。但如果你問我，最唔鍾意係邊個，我最唔鍾意嘅係自己，我唔係講笑！
「有啲嘢呢一世都走唔到」
張：嘗試唔做呢個角色？例如唔做娛樂圈？
吳（嘆氣）：唉！搵嘢笠住自己，人哋都知我係邊個，我離唔開娛樂圈㗎喇！有啲嘢呢一世都走唔到㗎喇！心入面真係覺得做我自己好攰。
張：有冇想搵番個膊頭挨下？
吳：又唔會咁諗，有梗係好都想搵個伴，但呢啲嘢只可以隨緣囉！
張：有冇因為個女唔識人？或全部都畀個女過目？
吳：早十年我想花時間喺佢身上，因為我覺得佢有缺失，有啲冇咗嘅嘢。我生得佢出，有啲嘢唔關佢事，唔係佢嘅錯，但呢件事發生咗，可能係因為呢一、兩年冇以前睇得咁細呀！我諗要同個女再慢慢消化吓。
張：希望你好好面對，同個女了解吓，畀心機
|
鍾意就快D Share啦！
|
|
|