素顏開會
身為電影中第二女主角的廖碧兒，於上月底抵達大馬柔佛。開鏡前她素顏出席電影會議，與來自不同國家的演員交流。
娛樂喧
百萬片酬殺入荷里活 廖碧兒做女殺手
4前年港視挖角潮，大台花旦廖碧兒選擇跳槽，可惜港視不獲發牌。其後她北上發展卻未有起色，加上兩舊愛劉愷威與陳豪都結婚生仔，廖碧兒陷入雙失局面。
去年廖碧兒轉簽新經理人公司，即獲電影公司垂青。現時她正身在大馬，夥拍「超人」班頓羅夫（ Brandon Routh）及張雨綺，拍攝荷里活電影《蒸發太平洋》。據知廖碧兒做第二女主角飾演女殺手，片酬過百萬。身手不凡的她，看來想步 Maggie Q後塵，殺入荷里活搵食。
廖碧兒 01年參選華姐奪冠後受大台力捧，不過 08年被指搭上「富二代」林忠豪，與男友陳豪分手，形象插水，由花旦變配角。 11年她決定離開大台簽港視，兩年前拍畢港視劇集《童話戀曲 201314》後，便鮮有在香港演出。近年她主力在內地拍劇，不過人氣未有起色。
現年 36歲的她，演藝事業浮沉多年，去年轉簽風尚國際經理人公司後即現轉機，現時正拍西片《蒸發太平洋》。據知該片由中美兩間電影公司合資，荷里活團隊負責製作，主要拍攝場地位於馬來西亞柔佛的松林基地影棚。男女主角分別是曾飾演《超人－強戰回歸》的男主角班頓羅夫（ Brandon Routh）及「星女郎」張雨綺，其他演員包括王敏德哥哥王盛德、台灣演員王陽明等。
同超人做對手戲
據知廖碧兒今次參演不單片酬逾百萬，更有機會與「超人」演對手戲。知情人士透露：「 Bernice（廖碧兒）今次飾演女殺手，佢喺開拍前兩個月先出現喺演員名單內。導演周文武貝一直都未決定到呢個角色俾邊個做，後來有朋友介紹 Bernice俾佢識。經過 casting，監製知道 Bernice喺加拿大長大，英文一定冇問題，加上佢個樣似係 mix，無論內地定外國 market都啱！ Bernice做第二女主角，當然開心，不過最吸引佢嘅係可以同真正嘅荷里活大星拍戲。」
本刊就收過百萬片酬殺入荷里活致電廖碧兒經理人查詢，不過經理人 Michelle指因已簽電影保密協議而拒絕回應，不過她表示廖會在當地逗留兩個月拍攝電影。
成功轉型做打女
其實廖碧兒曾經接拍過不少動作電影，硬橋硬馬的她絕對不是花瓶，知情人士指：「 Bernice 09年曾經拍過羅守耀執導嘅《滅門》，當時佢嘅打女角色令人留下深印象。同年再拍西片《 The King of Fighters》，佢飾演嘅 Vice都係一個殺手，雖然嗰套戲唔收得，不過導演睇過套戲覺得 Bernice做得唔錯。今次佢再扮女殺手，應該手到拿來其實 Bernice覺得香港市場唔係太適合佢，好似 Maggie Q咁拍西片做國際明星仲好」
廖碧兒除了減磅迎合角色外，當中有不少動作場面，她都要求親身上陣，似乎視今次為翻身之作。雖然在娛樂圈浮浮沉沉多年，但今次拍到荷里活製作都全靠她自己努力，唔通真係塞翁失馬，焉知非福？
打出新血路
廖碧兒曾被力捧為大台花旦，不過大多飾花瓶角色，她意識到單憑外貌難以殺出重圍， 09年決定轉型做打女，接拍《滅門》及西片《 The King of Fighters》。廖碧兒有芭蕾舞底子加上曾學習跆拳道 6年，應付高難度動作及打鬥場面綽綽有餘，她 2012年拍攝《葉問前傳》時，更拜師學詠春。
|
鍾意就快D Share啦！
|
|
|
