旁若無人
藍潔瑛煙不離手，當日她撐開五隻手指叼煙的模樣，如入無人之境。
滾熱辣
子宮瘤困擾 fans接濟 藍潔瑛街頭垂淚
前年藍潔瑛自爆廿幾年前曾被兩位影壇大哥強姦，令她存有心結，搞到瘋瘋癲癲生活潦倒；之後她還發現子宮生良性瘤，有傳曾華倩、劉德華曾借錢給她應急，不過生活未見有改善。
現時藍潔瑛每月靠領取綜援過活，據其好友楊曼莉表示，今年初有內地影迷為她籌了近兩萬元人仔，夠她應付近月的生活費。日前本刊捕獲藍潔瑛在樂富街頭眼神呆滯煙駁煙，自言自語似滿懷心事，更一度暗自垂淚。據知她受子宮瘤困擾，擔心要被迫留院及食藥，所以不肯定期到醫院覆診，情況令人擔心。
昔日有「靚絕五台山」美譽的藍潔瑛，本月底便 52歲。近年頻頻因情緒問題出入醫院精神科的她，前年更自爆曾被兩位影壇大哥強姦，情緒不受控，亦因為不能再做幕前多次割脈尋死。
近年藍潔瑛深居簡出，對上一次露面已是去年 10月。上月初（ 3月 9日），她獨自在樂富茶餐廳晚膳，其間到店外扯煙，一輪吞雲吐霧後，情緒突然波動，喃喃自語，用手拭抹眼淚。離開餐廳後她沒即時乘車返家，坐在地鐵站外人來人往的出口繼續扯煙。她不時四處張望眼泛淚光，場面令人感慨。
求主打救不遂
去年初藍潔瑛被誤傳死訊，及後有傳媒見她現身赤柱的聖亞納天主堂望彌撒，主動和教友打招呼，信主後心靈有所依靠。本刊一連三個星期日到該教堂，卻不見她的蹤影。據知情人士透露：「 Yammie（藍潔瑛）已經有好幾個月冇嚟，佢開頭好怕醜唔敢同人溝通。我哋知佢好擔心子宮個瘤，但佢一時話割咗，一時又話未割，每次見面我哋都會同佢一齊祈禱。」信主後，藍潔瑛曾每周準時出席彌撒活動，但健康與精神未見有起色，加上經常對別人疑心重，令她與世隔絕，最後更選擇放棄信主。
本刊聯絡藍潔瑛的好友楊曼莉，她竟暗示不想再與藍潔瑛有任何關係。「依家佢（藍潔瑛）每晚半夜都打電話俾我，一開口就鬧我，話我之前幫佢倒咗用嚟種植物嘅水珠係佢父母嘅舍利子，要我賠番俾佢喎！大佬，當時係佢話見到啲水珠入面有幾粒黑色嘢係魔鬼，叫我幫佢倒㗎。佢依家話唔會原諒我，我覺得係病嚟，係幻覺。以前唔覺佢有病，但依家信喇！所以我都唔敢搵佢， 4月 7日我會去日本做嘢，冇一年都唔返嚟。」
連以往唯一的好友都離她而去，藍潔瑛真係咁難相處？
自我保護意識強
上周五（ 3日），藍潔瑛外出後返回赤柱公屋寓所，身穿連身裙腳踏拖鞋的她面容憔悴。她一見記者便激動起來，即時拿手上的縮骨遮拍打記者，並連番指罵：「行開你做乜嘢呀！走開！你哋犯緊法呀！你係咪人？你叫咩名？」不足一分鐘的對話，看得出藍潔瑛自我保護意識很強。
藍潔瑛留家閉關一日，周日（ 5日）下午再踏出家門，步出赤柱大街用膳。其間記者發現她不但左腳踝腫脹，腹部亦異常凸出。她好豪氣叫了份過百元的西冷扒午餐，用刀叉慢慢切，飯後坐巴士到筲箕灣愛秩序邨街市買餸。
影迷網上籌錢
據楊曼莉表示，過去一直都有好心人幫藍潔瑛，早前還有大陸影迷籌錢接濟她，「有影迷知佢冇錢生活，所以幫佢喺網上籌到兩萬蚊人民幣，今年過年前過咗數俾佢，等佢好過年啩！」
藍潔瑛多年來沒工作，手停口停，單靠綜援難以生活，現時雖有影迷接濟，但長貧難顧。黃夏蕙不久前亦曾主動聯絡藍，打算幫她搭路登台搵錢，不過最後不歡而散。黃說：「我試過幫佢接登台或者上郵輪唱歌，但佢一開口就要 10萬一場，我都冇呢個價，叫我點幫佢好呢？」黃夏蕙更坦言藍潔瑛不肯去睇醫生，「我成日話帶佢去睇醫生，佢都唔肯去，有時佢話會出嚟，最後都冇出現。」
至於曾身為演藝人協會理事的邵音音，稱數年前獲曾志偉委派跟進藍的情況。邵說：「佢依家情況都差無幾，佢好緊張，好怕人會傷害佢！」由於不時幻想身邊人會加害自己，所以藍潔瑛拒人於千里，其實大家都想伸出援手相助，可惜最後都變成愛莫能助。
關嘉美：唔食藥好大鑊
98年藍潔瑛精神開始出現問題，有指她更患上妄想被迫害症，加上她被診斷子宮生腫瘤，可算是惡病纏身。
家庭醫生關嘉美指：「妄想被迫害症係精神分裂症之一，患者疑心大，情緒經常出現驚恐狀態，甚至會有幻覺，如果唔食藥控制病情容易惡化，好大鑊。子宮瘤方面，如果係良性腫瘤，唔會有大影響，不過都應及早切除，子宮瘤亦有機會出現肚脹。如果同時有呢兩個病，病人好大機會因為妄想被迫害，拒絕求醫，甚至拒絕做手術。」
放棄信主
2012年自爆被強姦
2012年藍潔瑛自爆被兩位影壇大哥強姦，其中一位已經離世，另一位則是她去新加坡探班時，被對方借酒醉偷入其房間施暴，不過事件真偽一直未經證實。
|
鍾意就快D Share啦！
|
|
|
