Yumiko牙煙孕婦 [忽然1周 - 1028] Yumiko,Yumi,尹秦睎,鄭希怡,MW,

掛住微信

其實行前約 40米就有紅綠燈， Yumiko係都鍾意貪方便。但貪時貪，都唔好顧住玩電話

媽咪姐

Yumiko牙煙孕婦

嗱！大肚婆嚟講呢，有啲就好乖，有啲就唔係幾乖，唔好以為媽咪姐講緊廢話喎！有圖有真相㗎！

去麥當當買咗 3個餐有預埋司機㗎！算唔話得。不過呢啲 junk food，大肚婆少吃為妙。

是咁的，上周六（ 4日）住清水灣道嘅 Yumiko去西貢做自由行，臨盆在即都挺住巨肚四圍騰。郁動吓，其實係好嘅，只不過佢有啲牙煙嘅係，過馬路唔行斑馬線，仲掛住玩微信，睇車呀！

咁都未算！媽咪姐跟住佢尾，諗住打個招呼啦。點知仲見佢去買麥當當食，好似肥膩咗啲喎。不過唔知係咪食得新地多，過兩日 Yumiko就生咗 B女出嚟喇！

周三生女

周三（ 8日）晚， Yumiko喺 fb公布喜訊，留言「 4.8」，佢仲同朋友講，囡囡係 fat baby㖭！

鍾意就快D Share啦！

下一篇 》