掃呢頁CODE去手機

2015年4月10日 星期五

霸道三宗罪 梁思浩 now台橫行 [忽然1周 - 1028] 梁思浩,思浩,MW,



你問嘅嘢我一早收到風(真實對白)

四周辣火頭:梁思浩恃住自己在 now台資歷深,踢走眼中釘潘小文及梁梓禧(前名梁奕倫),近排更傳出與一向友好的李麗蕊不和。

娛樂喧

霸道三宗罪 梁思浩 now台橫行

隨着亞視即將執笠, now台香港電視娛樂獲發十二年免費牌照,電視台正式進入革命年代。有指港娛除會擲過億開拍兩套劇省靚招牌,旗下娛樂節目亦將會投放大量資源,務求與大台爭一日長短。

其實 now節目一向不多,要數現時當紅節目非梁思浩主持的《娛樂審死官》莫屬。可是近日有傳梁恃住《娛》是該台最高收視節目,四圍辣火頭,經常投訴,弄至人心惶惶!

日前他更主動找「金牌監製」梅小青𢱑劇拍,但慘吃閉門羮,其後他拒絕讓對方監製的《衞子夫》到《娛》節目宣傳,實行以牙還牙。







本身惹火的梁思浩,試過在活動上揶揄六叔而辣㷫六嬸方逸華,因而不准返大台,又試過遭港台炒魷。他入 now台後,同樣四圍辣火頭。據知梁一直恃着高層何麗全撐腰,在 now橫行,令幕前幕後怨聲載道。日前有 now職員向本刊披露其惡行。

李麗蕊:要帶眼識人!(設計對白)

潘小文:唔好搞我啦,我要養家!(真實對白)

梁梓禧:我同佢(梁思浩)唔熟!(真實對白)

開會食料

據該幕後爆料指,每次在《娛樂審死官》錄影前,梁思浩都要跟節目一班主持和專家開會「度料」,然後在節目中討論。不過梁經常一 roll機,便搶晒其他專家的料來講。「有次佢哋開會,明明周永恆喺地鐵溝女單料係資深記者潘小文講嘅,點知錄影嗰陣,梁思浩就當咗係自己啲料講出嚟。」為此兩人吵大鑊,其後潘便遭無故飛出《娛》。

一權獨大

在 nowTV節目《娛樂審死官》裏面,梁思浩一權獨大,「食料」兼踢走主持,令所有人都買佢怕!

攝位搶權

梁思浩和何麗全識於微時,有指梁恃着何的關係,在 now台橫行。

冇劇拍玩報復

一直恨拍劇的梁,得悉免費台即將有多部戲開拍,便主動找監製梅小青和劉家豪𢱑劇拍。但二人集中火力搵大台小生花旦過檔演出,因此婉拒梁「美意」。梁對此一直耿耿於懷,遂不讓二人炮製的《衞子夫》演員上《娛》節目宣傳。

恨做演員拍劇

據知一直恨拍電視劇的梁思浩,自從 07年夥拍董敏莉參與有線劇集《補習天后》後,就再沒有機會拍攝劇集。

安插好友入梁營

梁思浩為了壯大自己在 nowTV的勢力,不惜拉攏自己 friend底的陳彥行(行姐)入營,行姐之前試過由他拉線擔任《娛樂審死官》客席嘉賓及出席宣傳活動。

梁:有遲到必投訴

周一( 6日),記者致電梁思浩,他即時反應甚大說:「我其實知道空穴來風,你未問我之前,好老實講,我已經收到風」有幕後話你食料同投訴逼人走?梁回應:「應該冇啦。我有我講,佢哋有佢哋講。至於投訴,除非佢遲到好厲害,咁我一定會投訴嘞!其實用邊個主持,係監製決定,我只會俾意見。」係咪好想拍劇?梁直認不諱:「拍劇我當然想!不過我咁多個節目在身,都好難抽到時間,咁如果小青姐同家豪哥搵我拍劇,我當然會盡量抽時間」

籌備多劇

有「金牌監製」之稱的劉家豪(左)和梅小青,現正為 nowTV免費電視台籌備開拍多套電視劇。據知 nowTV手頭上已有兩個完整劇本,包括《舉世無雙》及《黃金風暴》。

喜用小生花旦

劉家豪和梅小青的新劇,主力想找大台一班小生花旦,包括胡杏兒(左)和陳法拉(右)等,多年冇劇拍的梁思浩當然要靠邊站。

梁思浩 惹是非

梁思浩入行多年,是非不斷,曾被指冇機會返大台。

鬧白姐姐

早前白姐姐上《娛樂審死官》時,講到同謝偉俊婚變傳聞時,梁思浩因為嬲白姐姐帶他遊花園,在微博狂數對方,更鬧她係老女人!

篤梁榮忠死穴

11年被港台炒魷,由梁榮忠頂替他主持《瘋 Show快活人》,其後他多次向外暗寸梁榮忠主持節目「唔做功課」,又揭對方「車震」的瘡疤。

踢走司徒法正

09年,司徒法正飛起梁思浩開拍電影版《怪談》。後來思浩公開大表不滿,並且大力反對司徒法正返有線拍《怪談》,揚言「有佢冇我」。

鍾意就快D Share啦!