【金像獎紅地毯】湯盈盈大肚4個月 照着2吋高踭鞋
2015-04-19 18:02:00
攝影:陳順禎、陳慧安、陳俊強、葉君海
錢家樂拖住老婆湯盈盈恩愛到場，大住肚嘅盈盈仲著住高踭鞋現身，一向都係愛妻號嘅樂仔，就當然拖實老婆，仲行得好小心。喺影相嘅時候，記者就叫家樂仔錫下老婆個肚，不過就冇鍚，但就有摸摸老婆個肚，真係好晒恩愛又晒溫馨。
盈盈就話依家大咗肚4個月，之後家樂仔就話：「其實呢一個嘅重擔都幾大，不過都開心嘅。」對於老婆著高踭鞋現身，家樂就話：「都ok，最緊要小心。」講到老婆可唔可以攞最佳衣著獎，佢就講笑話肚入面嗰都有著衫。
兩人又笑笑口謂BB性別，但就想遲少少先講，想大家估下，但男女都冧，總之只係想小朋友有個伴。嘉樂仔話家姐都知媽媽陀緊B，有時都會去錫錫媽媽個肚，好sweet。
盈盈表示預產期係9月尾，至於會否封肚？佢話:「唔知呀，我好鍾意大肚嘅感覺，呢胎都陀得好舒服，但就易攰，而且肥咗好多，依家134磅，好似頭細身大咁。」又笑道終於可以唔使縮肚喇。嘉樂就話:「以前係我點佢0架嘛，依家就要幫佢斟茶遞水囉。」
錫晒老婆
終於唔使縮肚喇
巧合
|
鍾意就快D Share啦！
|
|
|