全城熱爆的娛樂八封新聞 & 時事趣聞 & 生活 + 趣聞
貪靚嘅娜姐，左腳韌帶舊患復發包住繃帶，面對傳媒都要着對 5吋高踭鞋影張靚相。
周秀娜（ Chrissie）最近左腳韌帶舊患復發，要包住繃帶，但依然着住幾吋高踭鞋出席活動，佢自己都話醫生吩咐佢要休息，但係貪靚冇辦法喎！
上週二（ 14日） Chrissie一身大露背白裙兼 5吋高踭鞋喺上環出席活動，果然好貪靚，不過活動完咗佢即刻換番對平底鞋喇，然後去咗中環一間商廈，期間 Chrissie要助手扶住行落斜，睇嚟娜姐要爭取時間畀對腳休息吓，唔好咁搏喇！
周秀娜出席完活動，馬上換上平底鞋，左腳依然包住繃帶。
娜姐似乎行得幾辛苦，沿途斜路要助手扶住。
