熱爆娛樂: 公子多情　四圍播種　猷亨背劉佩玥喪溝梁政珏妹 [FACE

2015年4月22日星期三

公子多情　四圍播種　猷亨背劉佩玥喪溝梁政珏妹 [FACE - 413] 劉佩玥,猷亨,MF,

梁政珏胞妹梁政欣不時在網上大晒同猷亨嘅蜜照，呢張相笑得咁燦爛，兩個仲一齊扮鬼扮馬，好 sweet囉！

網上圖片

真面目

公子多情　四圍播種　猷亨背劉佩玥喪溝梁政珏妹

最近被本刊踢爆追完陳凱琳再追劉佩玥嘅賭王四房公子何猷亨，雖然前者失敗、後者仍未正式公開，不過劉佩玥事後都大讚猷亨有齊做男朋友嘅要求，戰績未算差！

其實猷亨貴為賭王太子爺，目標又點會得一個！猷亨一邊追港姐季軍劉佩玥，另一邊卻又出招力追大台咪神梁政珏妹妹梁政欣！女方仲不避嫌網上晒蜜照，好 sweet㗎！猷亨果然流住阿爸嘅風流血呀！

其他影片：>>四圍播種　猷亨瞞劉佩玥喪溝梁政珏妹

有樣兼家底豐厚嘅 23歲何猷亨，雖然先後同𡃁模文宇和富家女陳可欣拍過拖，每次都拍完一個到一個，至近期復出擸女的猷亨一改作風，唔計失敗咗嘅陳凱琳，猷亨再喺追緊港姐劉佩玥嘅同時，追埋大台咪神梁政珏妹妹梁政欣，實行漁翁撤網式溝女，難得猶亨高手遮得實，兩女都唔知對方存在。

去年底，猷亨孖住梁政欣（右二）同佢三名朋友去睇容祖兒演唱會，仲帶埋女友入後台！做乜要隔兩個身位咁生疏呀？變咗攝石吳若希咁囉！

因為演出大台劇集《四個女仔三個 BAR》榮升女神的劉佩玥，樣靚又有一對煞食長腿，原本得到猷亨力追都值得開心，不過𠵱家變成三人行， Moon知道後有咩反應呢？

書友變拖友

咪以為梁政欣係副選，據知猷亨同新歡梁政欣喺英國讀大學時認識，畢業後齊齊返港，日見夜見終於生情，猷亨出盡力陪玩陪去 Ball兼約食飯，雖然當時猶亨已經追緊劉佩玥，不過猷亨盡得老豆風流基因遺傳，冇有怕照樣去馬！

至於猷亨新歡梁政欣，同樣出身有米家庭，兩人返港後經常糖黐豆孖住出席活動，不論去睇演唱會或行年宵，女方都不避嫌網晒二人蜜照，明眼人一睇就知關係非淺！本刊週一（ 20日）致電她家姐梁政珏和劉佩玥，不過截稿前仍未有回覆。