全城熱爆的娛樂八封新聞 & 時事趣聞 & 生活 + 趣聞
爛佬 look嘅鄭嘉穎，同班仔搭晒膊頭影相，偏偏眼尾都唔望下陳凱琳。
大台套《殭》未拍完已經新聞多多，陳凱琳先後同同劇嘅黃又南、陳山聰傳緋聞，最近仲連最大佢 22年嘅鄭嘉穎都唔放過，玩埋父女戀！
上星期大隊出發去荷蘭拍外景，近日被本刊影到又攬又啜嘅鄭嘉穎、陳凱琳自然搶晒鏡，一向 cool到爆嘅嘉穎竟然自爆同陳嘉寶研究過婚前性行為呢個話題，擺明想轉移視線。其實， 45歲鄭嘉穎每次傳緋聞都打死唔認，今次又點會例外；相反有媽咪陪出 trip睇到實嘅陳凱琳就好主動，見到鄭嘉穎都冇乜避忌，仲愈行愈近，不過敏感度好高嘅鄭嘉穎即刻彈開，港姐冠軍都冇面俾。
鬼妹仔性格嘅 Grace，主動行去嘉穎身邊，打算同男友交流下。
點知嘉穎忽然彈開，搞到 Grace鬼咁尷尬，焗住同行過嘅陸永傾偈。
去荷蘭半個月，但謝安琪啲行李多到似去非洲半年咁喎！
前兩日拍劇又攬又啜，事隔幾日喺機場又咁冷淡，嘉穎咁忽冷忽熱，想玩謝小妹妹咩？
