鍾嘉欣喺今年二月狠撇伍允龍，但原來兩人有保密協議，唔會向外講分手一事，點知嘉欣BB就多次從唔同渠道透露自己單身。
知情人士爆料，二月中嘅「藍男婚禮」鍾嘉欣同伍允龍都有出席，不過當時已經分開咗嘅兩人就完全零交流。
回歸單身行列嘅嘉欣BB上個月尾出席活動，被問到會否為男友伍允龍下廚時，佢就表明「我冇男友，只有朋友」暗示已經回復單身。
同樣係上月尾，嘉欣BB出席「影視娛樂博覽」同老友胡杏兒密密傾心事，事後對方亦喺微博話「要開心」，都好明顯
而分手後，嘉欣BB唔止多返社交生活約朋友食飯，就連工作都有起色，由Johnny Yim監製錄新歌，所以分手都係正確決定！
