30/3
除了早上開診睇症，其餘時間，伍父都貼身照顧愛女，早前跌斷腳的 Constance，瘦剩皮包骨。
探熱針
前妻睇精神科 Miki郭永淳冰島註冊
自○七年介入永安太子爺郭永淳與伍智恆（ Constance）婚姻， Miki楊愛瑾多年來表現低調，直至去年男方挺身發聲明澄清她並非第三者後，二人再無避忌。據了解，今年二月，郭永淳特別為情人節生日的 Miki安排遊埠月，其間更雙雙在冰島註冊結婚。
Miki坐正做郭太，至於周身病又放唔低對前夫感情的前郭太 Constance，近日病情告急以至情緒低落，更多番向身邊人透露想放棄。本刊最近拍得撐住枴杖的 Constance，路經前夫與 Miki位於跑馬地的愛巢，只見她呆呆望住大廈入口，好淒涼。
直接保護
三月九日才滿三十七歲的郭永淳前妻伍智恆（ Constance），病情每況愈下，為免腸塞引致腸痛，只能靠靜脈輸營養液的她，瘦剩五十磅，吊住條命與病魔搏鬥的她，仍相信可以奇跡康復。
但上月底開始， Constance卻連發多條微博，指控前夫始亂終棄，不願承擔贍養費，更透露腸痛已令她看不見前景；到四月二日，她留言表示想放棄：如果我選擇放棄，最對不起爸爸，但我如果逼自己繼續下去，每一天的活牽連到很多人。
意志由強轉弱，不外是受到郭永淳正式與 Miki結婚消息影響。「把口就話對 Edwin（郭永淳）唔再留戀，但 Constance根本放唔低，好留意前夫同 Miki啲嘢，例如成日傳佢哋會結婚， Constance就認為唔可能；直到最近 Miki開始俾人一種默認嘅感覺，連好姊妹 Kary都話：『等佢自己講』， Constance就開始動搖，情緒亦變得波動。其實係個死結，佢覺得自己個病係因為 Edwin而起，自己日日捱痛，對方都漠不關心， Miki反而可以咁開心，佢已經唔只一次話想放棄。」 Constance身邊人說。
郭永淳跟拍拖八年的 Miki去年已傳出婚訊，今個情人節，郭永淳為慶祝女友三十歲生日，精心安排外遊，還部署好在其中一站冰島，向 Miki求婚。
「佢哋舊年就想結婚，但 Constance不停喺微博發文發相，有時仲係衝住 Miki嚟做，唔想女友再受委屈，除咗發聲明，阿淳認為同 Miki結婚，係保護對方最直接方法，所以 plan咗陪 Miki去遊埠慶祝生日，但結婚先係主菜。」郭永淳身邊人說。
步步為營
返港後，正式成為郭太的 Miki亦禁不住喜悅，向幾個閨中密友透露已婚喜訊。「本來 Miki都考慮咗遲吓向外公布，不過呢排阿淳前妻又係咁發微博， Miki唔想開心事變成鬧劇，所以唔敢認。」 Miki友人說。
再被前妻狂數，連日來，郭永淳跟 Miki步步為營。
四月三日傍晚，兩公婆帶狗狗拖肥外出，慶祝六歲生日後搭的士返屋企，亦刻意距離幾個身位。上週二（七日）中午，二人一同離開寓所，郭永淳到便利店買嘢，之後再截的士去接番負責攞衫到洗衣店洗的 Miki。
上週六（十一日）傍晚，郭永淳同 Miki由寓所出發，搭的士到中環食日本菜兩個鐘，離開餐廳時，終於見到二人拖手。
過口癮
至於長期受腸痛折磨的郭永淳前妻伍智恆，近日因病情加劇兼情緒病困擾，父親伍顯光幾乎每天貼身照顧。
上月三十日，之前因為跌斷腳要坐輪椅的 Constance由父親推住輪椅，與外傭一齊外出到羅富記食粥，又點了水餃麵和鯪魚球，每次食嘢落肚都會腸痛的 Constance每樣吃少少，過口癮。
消耗積蓄
07年，指丈夫郭永淳搭上 Miki而遭拋棄的伍智恆，患上嚴重厭食症，二人於 09年正式離婚後，曾因贍養費問題多次對簿公堂，最終由每月的 1.4萬加至 4.2萬，並獲 150萬元醫療費。因為厭食症伍智恆多年來受盡腸痛折磨，長期出入醫院，曾在港安住院十一個月，又動過多次大手術，多年來花盡龐大醫藥費，亦只靠父母投資物業所賺的積蓄頂住。
不解結
楊愛瑾（ Miki）與永安太子爺郭永淳相戀八年，一直背上小三之名；另一邊廂，前妻伍智恆（ Constance）則不斷在網上公告如何受盡病魔折磨。一個不解結，三方同受傷害。
前妻
2月 4日 營養液吊命
瘦剩 50磅的 Constance，因腸塞不能進食，要靠輸營養液吊命，自言好懷念食物的味道的她為自己打氣：求主叫我不要灰心，繼續努力。
3月 16日 跌斷腳骨
於中環跌斷腳，並需要開刀做手術鑲兩粒螺絲令骨頭連接，留醫的 Constance即在微博貼相：不能吃已經辛苦夠，還要在中環摔倒，跌斷了腳骨。
4月 2日 撐唔住
於微博留言指身體嚴重不適，血受感染，發燒至 103度及脫髮，腸胃亦不受控制，更揚言精神也因為疼痛而無法撐下去，須注射一大包抗生素來撐住。
|
鍾意就快D Share啦！
|
|
|