網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月20日 星期三

港大傳統棍網球擊敗強國  21歲球后:去英國打世界盃 [FACE - 417 - 大專校園] MF,



眼罩和手套是女子的基本裝備,蓄意的身體碰撞並不允許,但可以用球棍「傍」住對方前進,所以 Vickie亦指瘀傷是少不免。

Main Camp

港大傳統棍網球擊敗強國  21歲球后:去英國打世界盃

凌晨睇歐聯、晨早睇 NBA,呢排籃球足球無限 loop,捱眼瞓返學返工都照睇,𠵱家聽到巴塞、勇士呢啲隊名都驚。

如果想刺激,有速度感又講求技術,唔一定踢波打籃球,其實歐美流行的棍網球( Lacrosse)都是不少歐美大學生的首選,一支棍、一個網, hit到外國間間大學都有校隊,邊似得香港得港大先有!

雖然得港大有得玩,不過成績絕不輸蝕,在早前舉行的香港棍網球公開賽,香港代表就擊敗中國、新加坡奪得女子組冠軍。讀港大政治學及法律系 Yr.4的謝惠琪( Vickie)就好有火話:「我哋好想推廣 Lacrosse,唔想係港大生嘅專利!」

公開賽當日,首次組隊的香港代表(主要由港大生組成),十足巴塞咁強,更可以分拆兩隊出戰,決賽更係由港大內鬥,結果由 Vickie在內的 HPP Phoenix小勝 5: 3奪冠。 21歲的 Vickie說:「大部份玩 Lacrosse嘅人都係港大學生(分男子及女子組),每年都會搞宿舍聯賽,通常三甲都係 St. John’ s、 Rucci、李國賢三個社堂,逢星期一每間 hall都會一齊練習,又會打吓 friendly match,氣氛好好,一直都係港大獨有嘅傳統運動!我最想 Lacrosse有大專盃,可以同其他大學比賽,唔再係港大生嘅專利!」

在公開賽決賽(上月 5日),香港兩隊女子隊雙雙晉身決賽,兩隊在初賽分別擊敗中國及新加坡,實力不容忽視。《體路》圖片

女子棍網隊每星期一、二都有練習, Vickie補充:「我哋都歡迎唔同港大生嚟試玩,一齊傳波,就算冇玩過都可以嚟打!」

「出面太多勁人」

除了基本的技術訓練,棍網球的體能要求亦相當高,一場比賽跑足 30分鐘的確不簡單,所以每星期 Vickie和隊友都要做體能訓練。

雖然 Vickie只玩了棍網球年半,但她和其他隊友都非常渴望推廣這項緊張刺激的運動,令多啲人接觸,所以佢跟隊友不時去唔同大學推廣,「我哋試過去中大推廣,喺學生嘅體育堂度教佢哋玩 Lacrosse,學生都有興趣學,上完堂都有同學問我哋邊度有得玩, 50個學生有 10個留低話有興趣,其實反應都算唔錯!」

棍網球球速有 177km/h,速度僅次網球和羽毛球,有說許仕仁、周一嶽在港大讀書時都是棍網球粉絲。熱愛各種運動的 Vickie說:「自己中學有玩開田徑、排球,上到港大玩埋手球,但出面太多勁人,個底子唔夠人哋好,反而 Lacrosse個個都入到港大先開始練,水平唔會差太遠,而且 Lacrosse好講求技術、體能,我覺得比其他運動更加要求高!」

Vickie每星期都要操體能,香港棍網總會又請前加拿大國家隊代表做教練,健身訓練及運動心理學家輔導等,「七月我哋會去泰國打亞太盃, 2017年 7月就會去英國打世界盃,其實我哋實力同韓國差唔多,但日本就發展咗好耐,所以希望可以拎亞洲第二。」

運動女將

Vickie游泳、田徑、排球、手球、棍網球樣樣掂,是港大 St John's Hall嘅運動人才。

少搽防曬

即使經常在烈日當空下暴曬打波,但 Vickie毫不介意地說:「本身自己都運動底,好少搽防曬!」

攞埋 MVP

雖然 Vickie只玩了年半,但所花的時間和心機就令她在新加坡錦標賽中奪得最有價值球員獎項。

St. John's必識猛人

St. John's College出名專收精英運動員,十足兵工廠,除了方力申這位 St. John's大師兄住過之外,仲有大把體育界猛料之人住緊,星光熠熠。

彭曉欣  21歲

會計及金融學 Yr.2

現役女子甲組偉邦球員、港大女子籃球隊隊長

榮獲全港精英籃球賽冠軍

全港學界籃球馬拉松最有價值球員

梁愷妍  18歲

會計及金融學 Yr.1

現役港隊田徑隊代表

榮獲 2013亞洲中學生田徑錦標賽 100米欄第 5名

韋榮傑  21歲

地球系統科學系 Yr.2

現役香港空手道代表

榮獲 2014全國大學生空手道錦標賽 70kg冠軍

2014東亞空手道錦標賽 75kg亞軍

鍾意就快D Share啦!