網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月20日 星期三

走投有路 踢出 FAITH 轉行教跳舞$75 1堂 Cheap爆  Wave:靠阿媽俾錢 [FACE - 417] FAITH,MF,



Wave自從做咗 FAITH成員之後,就開班教跳舞,唔係咩勁人,所以只收 300蚊教足 4堂。

真面目

走投有路 踢出 FAITH 轉行教跳舞$75 1堂 Cheap爆  Wave:靠阿媽俾錢

「媽媽今天不必擔心我,終於得知世界是如何」。去年母親節, FAITH的 Hiu Yong, Sky和 Wave唱紅呢首〈 Ma Ma Easy〉,但今年的母親節, Wave的媽媽真係要擔心喇,因為 FAITH決定踢走最跳得的 Wave而加入二位新成員!

週日( 17日) Wave接受本刊訪問時說:「佢哋(公司)話有通知我媽咪,我問過其實都冇。公司都好耐無俾嘢我做喇,都有兩個月喇。𠵱家都係做住自己嘢先。」現靠跳舞維生的他,只收$75 1堂平爆,有工開收入少, 18歲的 Wave惟有靠阿媽囉!

FAITH初出道時被網民彈到一文不值,加上歌曲、化妝都行騎呢路線,但有人彈亦吸引到不少妹妹仔追捧。

FAITH喺 3月慶祝出道一週年, Wave(右一)仲傻更更唔知係最後一次用 FAITH名義見粉絲。

網上圖片

5月 8日 FAITH出席學校活動,已經搶先一步喺 facebook貼咗新成員合照,而 Wave係唔知情囉。

網上圖片

甩底冇影

今年三月 FAITH與粉絲舉行了一週年慶祝活動,之後一直未有新搞作,原來公司已偷偷訓練二位新人加入 FAITH。本月 8日 FAITH出席學校活動,當日隊長 Hiu Yong和 Sky帶住二位新成員出場,而 Wave則無份參與。

當晚 Wave即在 Instagram寫上「我完全不知道有今天的活動,公司的人或隊員也沒提過,甚至是加隊員我也不知道,如果不是粉絲跟我說,我根本甚麼都不知道。」

Wave被退團後,有指他以往經常甩底唔出騷,又有傳他借粉絲幾百蚊都唔還,是非冇停過。

濕疹上面

被退團未算黑,最近 Wave嘅右眼眼角紅晒,佢話濕疹又生到上面,真係禍不單行。

唔認借 fans錢

網上有指 Wave借咗粉絲幾百蚊唔還, Wave面對記者笑說:「我都喺網度解釋咗,愈解釋咪愈掩飾!」

FAITH經理人 Percy就話有通知 Wave媽咪,同埋係迫不得意至決定放棄 Wave咁話。

Wave在 instagram每星期寫明喺邊、幾點、跳咩舞,仲講明幾錢,冇數拗

網上圖片

「 2個月冇嘢做!」

去年母親節, FAITH推出咗〈 Ma Ma Easy〉呢首 MK勁歌,可惜今年再唱已經冇咗 Wave喇!

YouTube畫面

Wave被離隊有苦無路訴,惟有繼續教舞為生。週日( 17日) Wave如常在體育館的排舞室教舞並接受本刊訪問。現有 6名學生, 5女一男跟 Wave學舞,每位學生每月收$300,被問到至今與公司傾掂數未? Wave說:「仲未傾,都係等公司安排」被指經常失場, Wave話每次都有向公司請假,唔係臨時甩底。 Wave更無奈說:「我都唔知道,公司都好耐無俾嘢我做,都有兩個月喇!」。呢段時間點過?「都係做住自己嘢(教舞)先」。至於向粉絲借錢一事:「我都回應咗,相信我嘅自然會相信我,愈講得多愈似掩飾。」

據知與經理人簽下 5年合約的 Wave,雖被退團,但仍有三年多的合約在身,所以 Wave「有口難言」,隨時有乜失言,分分鐘要賠錢畀公司。 Wave更坦言每星期扣除場租後,教舞實質落袋根本唔多,現時只有靠積蓄和媽咪接濟。而經理人 Percy則說:「暫時唔會同 Wave解約,亦唔會阻佢出面教跳舞!」陰乾呢一招都幾高喎!

冇乜搞作

去年 FAITH出道的同時,天堂鳥和拾音社都是差不多一齊出道,三隊組合被冠做「 MK-Pop」。當中以天堂鳥賣高大靚仔最 hit,而拾音社嘅〈 Kiss Kiss Kiss〉都唱到好行。不過一年過後, FAITH就去舊迎新,咁天堂鳥同拾音社又搞乜呢?

天堂鳥開騷密

網上圖片

Facebook都算更新得幾密嘅天堂鳥喺月初就參演咗六場舞台劇《大帽山自梳女鬼》,同場仲有謝雪心同鬼王潘紹聰,相信佢哋應該學到唔少嘢!天堂鳥遲啲仲話想搞演唱會,演出機會係 MK-Pop之冠喎!不過仲係得隻 EP,出多隻碟先好喎!

拾音社出歌慢

網上圖片

來自深圳嘅拾音社, update facebook當然無天堂鳥咁密咁多,不過兩位成員各自都識製作同埋彈琴,要起貨,有幾難?近日拾音社就 upload咗幾張疑似 MV新相,可能好快有新歌喎!

鍾意就快D Share啦!