2015年5月9日星期六

31歲張嘉兒 9月嫁金融才俊

【港姐嫁得好】31歲張嘉兒 9月嫁金融才俊

2015-05-09 13:34:00

準新娘今早在微博貼婚紗相宣佈喜訊，但啲相唔夠大，睇唔清新郎俊朗樣子。張嘉兒微博圖片

「原來茜伊沒有騙人，真係有命中註定ga！嘉兒找到『The One』喇！Yes, I am getting married! I am so blessed to have found you in my life, thank you for choosing me Nate!」現年31歲嘅07年港姐冠軍張嘉兒，在微博宣佈婚訊，同34歲圈外男友金融才俊日Nate結婚。「茜伊」，就係張嘉兒於《愛，回家》角色名字。

去年五月先至話未有計劃結婚，仍是儲錢階段嘅張嘉兒，於今日刊出之周刊訪問中透露，早於選美之前已在溫哥華認識Nate，但因為當時佢當選冠軍，故選擇留港發展，兩人分開兩地。男方keep住一年來港三次見嘉兒，但好快就維繫唔到，分手收場。

分手兩年期間，張嘉兒一次返溫哥華，再見番Nate，覺得彼此都改變咗成熟咗，亦重新有feel，於是好自然地再走番埋一齊。張嘉兒自言，Nate俾到佢最幸福、安樂、穩定同sweet嘅感覺。而Nate為咗嘉兒，更犧牲自己喺溫哥華嘅事業，將基地搬來香港，朋友圈、生活種種重新適應，令嘉兒感動不已，立願非Nate不嫁。

2013年，Nate帶嘉兒去加勒比海旅行期間求婚成功，今年九月，兩人將於溫哥華舉行婚禮，之後返港擺酒。嘉兒自言婚後仍會工作，亦計劃生B，但如果有BB的話，就會考慮返溫哥華生活，因為覺得當地始終較適合小朋友生活，故為了下一代，張嘉兒自言放棄事業亦在所不計。

一定要幸福啊茜伊！