【強國網民】徐若瑄胎位低需臥床 被斥「嬌氣」：我只是努力愛子的媽媽
2015-05-09 14:50:00
徐若瑄fb圖片
強國網民同打手一樣(或曰五毛)，鬧人嘅手法理由，都令人O嘴。好似Alan Mak代表保守黨出戰、成為英國800年來首名華人國會下議員。Alan表明對「華人」呢個標籤好抗拒，亦強調從不用中文名(麥大粒)，咁樣樣又俾強國網民鬧。內容都係嗰啲啦。
又如因為胎位太低、加上之前因為急性腸胃炎上吐下瀉嘅徐若瑄，住院臥床吊鹽水安胎近1個月。依家出咗院，醫生仍需囑咐佢即使返屋企休養，仍需臥床近6個月，直至生B為止。
點知，咁樣樣又俾強國網民鬧佢「嬌氣」。就連徐若瑄話自己4個月用18罐妊娠霜，老公幫佢搽按摩油，一日食6餐，醫院特別服務幫佢洗頭，等等等等，都俾強國人話係「嬌氣」，例如話「用了18罐妊娠霜，一周一罐太誇張了」、「年輕時候沒保護好身體，現在受著吧」、「哪個女人不生孩子，何必這麼折騰？」(新聞連結: http://bit.ly/1IYmTLn )
徐若瑄陀B已經辛苦豬，既擔心自己係高齡產婦，又需長期臥床，已經備受壓力。喺自己個fb share懷孕心情，都係想分享下解下憂，點知咁樣樣都係罪名。
幸好徐若瑄亦識得諗——ignore。今午佢再於fb貼出是日餐單，包括清燉牛肉牛筋湯麵同貢丸、荷包蛋等等，並寫道:「至於少數惡意人的主觀觀點，並不會影響我。畢竟我只是乖乖聽醫生的安排臥床，努力愛子的媽媽，而全家人也大力支持照顧我，一切都是為了護寶，而非我嬌氣又矯情的要人服侍。
「我何嘗不希望自己可以像其他孕媽可以自由來去，只可惜我非那種幸運情況，我也好想可以去慢慢逛嬰兒用品店，感受第一次做母親的所有完整過程⋯只是我連下床走路都還沒有被醫生允許⋯：）若非下床不可，目前還只能靠輪椅代步。」
聽日就係母親節喇，小瑄，好好同老公及BB享受這一天吧！
「每天臥床的日子、我美好的一天從打針開始！打完就刷牙洗臉、吃早餐、吃藥、吃後在床上運動我的手腳、然後開始充電：看書、電影、劇！很快的中餐時間就會來到～」
「如今髮型師Sunny(我旁邊那位)已是3個孩子的媽、化妝妙妙2個孩子的媽！妳們真的好會生又依然努力不懈的工作著！敬女人！」
「六天來第一次的5分鐘太陽！！！好知足！！」
「向來習慣自己洗頭的我，由於醫生還未批准可以下床，5天也漸漸油起來還好打聽到醫院有到房洗頭服務～費用以頭髮長度來計算！」
|
鍾意就快D Share啦！
|
|
|