吳彥祖真係食個飯盒都型過人，拍緊美劇嘅佢，仲搞到周身傷，心痛死粉絲
自母親去年病逝後，吳彥祖留美照顧80多歲父親，並安排囡囡喺當地入學。決定長居美國嘅吳彥祖，積極開拓荷里活市場，依家就趕拍、兼同老友馮德倫一齊監製「美版西遊記」《Into the Badlands》，飾演美版孫悟空Sunny。
《Into the Badlands》被製作《Breaking Bad》與《The Walking Dead》嘅美國AMC電視台視為秋季重頭劇，所以吳彥祖都不容有失，除增肥15磅，更狂操體能同肌肉，轉型做打星。由於佢喺劇中有大量動作場面，開工冇耐已經周身傷，腰、背、手、腳都一有條條傷痕，認真唔錫身。
