全城熱爆的娛樂八封新聞 & 時事趣聞 & 生活 + 趣聞
山田優對著名主持人堺正章（右）大談家庭樂，力讚小栗旬係好爸爸時，臉上露出幸福微笑。
日本男星小栗旬一向俾人印象係玩家，沙沙滾。最令人記憶猶新嘅，當然係舊年俾雜誌影到佢背住大肚老婆山田優玩 4P，單嘢一爆出，即刻俾人鬧爆佢係賤男。不過自從囡囡小栗優出咗世，小栗旬已好少再有負面新聞。
日前，一向甚少露面、亦絕少向外講及家庭生活嘅山田優，上咗一個綜藝節目，破例開金口講及囡囡及小栗旬，仲誇讚小栗旬湊女比自己熟練及細心，尤其最值得讚係囡囡半夜喊或有需要，小栗旬就算拍戲收工好攰，都必定第一時間起身照顧，係一個稱職嘅好奶爸。咁咪好囉，有咩嘢開心得過「浪子回頭」喎﹗媽咪姐都戥山田優高興呀。
估唔到一向被指花心爛滾嘅小栗旬，對住囡囡，係廿四孝慈父。
山田優話自己生女後，極速變 fit嘅秘訣就係餵母乳。
舊年 8月，亦即山田優產前一個月，小栗旬（左）被《 FRIDAY》拍到同男星笠原秀幸去偷歡，即俾網友大鬧係「賤男」。
