全城熱爆的娛樂八封新聞 & 時事趣聞 & 生活 + 趣聞
超雲呢條裙真係好青春，但又好 sexy！落車嗰陣，上身露低 V，下身又翹起咗，差啲就春光乍洩㖭！
何家三房千金超雲自從甩咗肥山聰之後就好戮力減肥。日前，佢喺銅記現身，一身嘅裝束除咗充分表現到減肥嘅成果之外，仲睇得出佢充滿自信，不過落車嗰陣就唔小心，差啲走光咯！
超雲一落車，即入咗連卡佛，都唔夠 10分鐘咋，已經拎住袋戰利品行番出嚟。咁又係，貴為千金小姐嘅超雲，買嘢你估好似媽咪姐咁，要𢱑吓折，左度右度咩？
自信心返晒嚟嘅超雲，見到媽咪姐，仲指住媽咪姐笑同禮貌 say hi。
睇超雲嗰副冧樣，就知買到心頭好，真係零舍開心。
超雲同肥聰拍拖嗰陣，因為有愛情滋潤，真係心廣體胖。
