全城熱爆的娛樂八封新聞 & 時事趣聞 & 生活 + 趣聞
邵仲衡雖然話近排多嘢做，加上又有做健身，已經由 200多磅減到 190磅。不過側面睇，似乎仍未達標喎！
大台重播《大時代》，孝蟹邵仲衡翻紅，前排仲宣布復出，所以都不時見到佢出席活動，嚟緊仲會做舞台劇㖭！
正所謂工欲善其事，必先利其器，接咁多 job，咁梗係要執正啲，扮到靚靚仔仔前幾日，媽咪姐見到佢一支公喺中環「巡舖」，第一站先去咗睇波鞋，不過都唔夠十分鐘就出番嚟。跟住又一支箭咁飆去睇平價西裝，今次就揀足成粒鐘，最後就挽一大袋戰利品閃人。咦，買咁多套老西，即係話嚟緊大把機會見到大佬孝咁噃！
邵仲衡喺鞋舖冇收穫，立即急匆匆去睇西裝。睇佢行到打衝鋒咁，真係少啲腳骨力都追佢唔到。
入到西裝舖，要做靚仔嘅邵仲衡好仔細咁揀衫，仲一件一件慢慢試完先埋單。
早前，大佬孝同男神王宗堯（左）、伍家謙（右）一齊出活動。呢個角度，唔輸蝕呀！
