全城熱爆的娛樂八封新聞 & 時事趣聞 & 生活 + 趣聞
俾張晉唔小心扑親，咁就打爆鼻，甄子丹事後只係話「兄弟有心」，仲識講笑話唔係俾重量級拳王泰臣咬。
「宇宙最強」都有受傷時，甄子丹日前拍電影《葉問 3》，俾張晉用八斬刀劈中鼻樑，當場流血，搞到張晉好內疚。但係甄子丹做得「宇宙最強」，點會俾小事嚇到，佢只係唞咗一晚就復工，仲準備嚟緊同粉絲開見面會㖭。
不過佢老婆汪詩詩咁啱參加緊交流團，前幾日去咗南美，知道老公傷咗，梗係有啲擔心！不過佢話睇到啲相就安心番，老公工作一向好危險，但覺得佢嘅功夫喺呢行依然係最強嘅！唉，查實幾擔心都冇用，話晒南美連轉機超過 30個鐘，想即飛上海陪老公都有啲難度。陰功豬咯！
張晉錯手打傷甄子丹，好自責，即刻幫手護理子丹傷口。
甄子丹老婆汪詩詩上星期去咗南美參加交流團，知道老公傷咗，佢處變不驚，仲話：「佢依然咁靚仔。」
傷還傷，甄子丹點會俾小事影響吖。嚟緊嘅周六（ 13日）佢喺上海搞粉絲見面會，仲話當日會喺片場趕過去，勁有心。
