2015年6月12日 星期五

7.11四季擺 30圍 拍拖 9個月閃婚  33歲葉翠翠出嫁零禮金 [忽然1周 - 1037]翠翠,MW,葉翠翠



半年後造人!(真實對白)

打頭陣

7.11四季擺 30圍 拍拖 9個月閃婚  33歲葉翠翠出嫁零禮金

恭喜!娛圈又多個幸福人妻!

葉翠翠與建築師公司副董事周曉東( Raymond)拍拖短短 9個月,下月 11日將修成正果,於中環四季酒店擺夢幻婚宴。一直被指拜金、釣金龜等上岸的葉翠翠,今次背道而馳嫁個中產打工仔,令外界不少人大跌眼鏡,據知今次她即使零禮金都照嫁。

本刊更得悉,這位年約 40的 Raymond其實曾結婚並有一名 11歲女,換言之葉翠翠婚後即當上繼母,就算招人話柄她都甘願接受。相信 33歲的她,今勻真的感受到何為真愛。







入行剛好十年的葉翠翠,前男友非富則貴,一直搣唔甩「釣金龜」三個字。她曾說:「我知道㗎!呢個稱號會跟我一世,做手術都切唔走,惟有做好自己。」似乎睇得好開。

婚宴當晚翠翠會穿一套婚紗及 2套晚裝,設計師友人 Pius為她造了兩套婚紗任揀。她試穿其中一襲「孔雀開屏」式婚紗時禁不住喜悅說:「等咗呢日好耐。」

昔日葉母在生時,翠翠十分孝順,經常陪伴兩老。如今未婚夫 Raymond便以準女婿身份,陪葉父吃飯。

未拍拖已知男友背景

葉翠翠經歷過多段感情,心知有錢未必買到真心,今次標到尾會,更極速當上羊年新娘。據知其未婚夫周曉東( Raymond)祖籍上海,是「李景勳、雷煥庭建築師公司」副董事,算是一名高薪打工仔,但亦並非葉翠翠以往追求過的「富豪盤」。

經歷了去年媽媽患病去世打擊,葉翠翠開始追求真正的愛情。不過發展快過高鐵,去年 12月二人剛拍拖不久,本刊已獨家披露二人已計劃今年中秋前後拉埋天窗。周一( 8日)女方更在微博上載請帖,鐵定下月 11日成為人妻。

每次談及未婚夫,葉翠翠不禁露出甜蜜笑容,但亦盡量低調及處處維護對方。據知 Raymond早年曾離婚並育有一女,女兒今年已 11歲,一直跟 Raymond的前妻同住,葉翠翠跟他開始交往便已知道。

一知情人透露:「 Raymond係一個好直接,好坦蕩蕩嘅人,唔鍾意講大話。啱啱識翠翠嗰時,都未追到手就同翠翠講明自己嘅背景。佢覺得女仔唔鍾意俾人呃,所以一定要清清楚楚,人哋接唔接受到就由對方決定。不過 Raymond今次落啱注,翠翠真係最憎男人唔坦白,佢反而覺得邊個人冇過去?最緊要雙方夾得到,呢啲就係佢追求嘅愛情。」

周一( 8日)下午,喜帖印好後,葉翠翠即公告天下。她更透露當晚入喜帖至凌晨 2時,對將為人妻十分期待。

微博晒幸福

自今年 2月公布婚訊後,翠翠與未婚夫不時晒甜蜜照,羨慕死人。

未婚夫發福

周二( 9日)晚,葉翠翠與未婚夫到中環拍拖,記者發現男方比數月前發福了少許。

金魚嘴𠱁夫

葉翠翠透露其未婚夫每聽到她講低能說話都受落,這晚二人撐枱腳嘆壽司,翠翠亦嘟起嘴扮金魚𠱁對方。

「佢無條件為我付出」

周一( 8日),本刊直擊葉翠翠到中環試婚紗和晚裝。對於婚後將為人「繼母」,她表示對此身份絕不抗拒:「有所謂咩?人哋又唔會稱呼你做 step mother嘅!我哋(未婚夫女兒)見過好多次,當佢係朋友,只係年紀細啲。佢會同我分享點識男仔,俾啲相我睇。又叫我教佢化妝,幫佢紮辮。好似有時星期六,佢問佢 daddy出唔出嚟玩,如果佢 daddy話唔得閒,佢就會話:『咁我可唔可以約 Tracy(葉翠翠洋名)姐姐呀?』我覺得好開心,好 warm。(擺酒當晚佢會唔會嚟?)會。不過我係藝人,到時會有好多記者,真係唔想影響小朋友,始終佢跟媽咪住,想低調啲!」

對未婚夫的評價,更加「冇得輸」。「一直以來佢無條件為我付出,我係感受到嘅。佢開頭俾我感覺係踏實、專一,對我好,拍拖到依家佢對我愈來愈好,依家仲好過拍拖嗰時,所以嗰啲(失婚)根本唔係問題。」葉翠翠說。

Raymond與前妻離婚多年,據知他曾因考慮到女兒感受而不打算再娶。知情人續說:「你知大部分離過婚嘅人都唔想再結,貪過癮咩! Raymond當初都係咁諗,唔想阿女唔開心。但佢同翠翠拍咗拖一個月,佢真係覺得好啱 key,於是就試下安排翠翠同阿女一齊食飯,估唔到佢哋竟然好好傾。當時 Raymond就知道要認定翠翠,冇幾耐就求婚,所以由拍拖到結婚一年都唔夠!」

晚裝谷胸

周一葉翠翠往中環設計師好友 Pius店試晚裝,這襲桃紅色 low cut晚裝為她度身而設,突顯上圍。

自爆恨嫁

葉翠翠坦言恨嫁多年,連發夢都想:「試裙呢個畫面,我之前發夢發過,真㗎!依家真係夢境成真。」

Pius為翠翠造了的另一襲「美人魚」款晚裝,翠翠十分鍾意。「我好鍾意呢個顏色,好獨特,好有夏天氣息。」

慳家新娘

下月 11日,二人將會在中環四季酒店筵開 30席。始終葉家嫁女,擺酒地點要有體面,但其它細節不算太鋪張。據知除了每圍約 2萬元的無翅酒席及聘請婚禮統籌師的費用要真金白銀俾錢外,其他如印喜帖、影婚照等都有贊助,至少慳了十多萬。最難得是婚紗、禮服、兄弟姊妹團晚裝,都是好友 Pius無條件分毫不收替葉翠翠設計和縫製,送給她做賀禮。

為此葉翠翠說:「婚禮唔使豪華㗎!要開心,要回憶之嘛!我哋仲要儲錢生 BB嘛!嗰日我又唔想換衫、轉妝嘥晒啲時間。我想出去玩吓,同啲朋友開心吓!所以決定嗰晚一個頭(髮型)、一個妝直落。」據知婚宴當晚,葉翠翠和夫婿還會仿效外國人,在舞池跳舞助興娛賓。「嗰 part係跳牛仔舞,我搵咗老師上咗兩堂,其實好難學,依家我個雞翼位俾佢 fing到好痛。不過真係好多謝 Pius呀。佢一聽到我結婚,就話幫我造衫,仲要造埋姊妹裙,你話俾錢都買唔到呢啲快樂。」

身家見真章

比起未婚妻, Raymond較平凡,他手上有的物業只得 13年以 430萬購入的屯門海慧花園,現作收租用。

去年電死人

去年 12月本刊拍得當時拍拖僅兩月的葉翠翠及 Raymond親暱撐枱腳,女方更不時埋身電到男友暈酡酡。

當時仍未公開戀情,葉翠翠與 Raymond在金鐘太古廣場前後腳表現避忌。

之後翠翠更做司機車 Raymond返北角半山屋企。

半年後造人

冇工開

工作不多的葉翠翠,近日只作《姊妹淘》主持人。據知莊思敏(左二)及楊秀惠(右一)都是姊妹團成員。《蘋果日報》圖片

下月便為人妻,翠翠亦有了為人母的心理準備:「我哋都想要小朋友,佢簡直超鍾意,有時喺街佢見到啲小朋友跳舞做動作,佢會跟住做喎!我有問佢使唔使依家造人?佢又話唔想,佢話:『梗係唔好我係想娶你做老婆,如果你生咗就會全神貫注放落佢( BB)度,咁我咪排第二囉!』哈哈……咁我都覺得係嘅,一定係小朋友排第一。佢就係咁簡單、直接嘅人!所以我哋計劃咗半年後至開始造人,咁我都三十幾啦,差不多。」

慳家婚禮

不少女仔都夢想奢華、童話的婚禮,一生人一次,乜都要豪、乜都要貴。但排場與快樂,葉翠翠卻選了後者,更得到各方贊助,令到原本逾百萬的婚禮,慳番唔少。

使啲乜?

四季酒店 30圍酒席,每席約$2萬,酒水全包共約$60萬。

Wedding planner約$5萬(友情價)

場地布置約$3千(友情價)

印喜帖約$4千(友情價)

3卡求婚鑽戒約$15萬

共逾$80萬

慳啲乜?

禮金(葉父唔收)

婚紗相(贊助)

婚宴大會攝影(贊助)

Moirae婚紗、禮服及姊妹裙(贊助)

髮型、化妝(贊助)

釣金龜 10年多阻滯

眼角甚高的葉翠翠自當上 05年港姐冠軍後,所結識的男友大部分都非富則貴,情史一大籮。可惜釣金龜多年屢遇阻滯,想不到如今因為一個中產打工仔周曉東,尋求真愛。

入行撻着李逸朗

05年,葉翠翠入行不久,即與前英皇奀星李逸朗撻着。後有指女方不滿李經常與胡文新約會,因而提出分手,兩人關係維持不足一年。

與港男短敍

07年,葉翠翠被拍得在港男冠軍高鈞賢的將軍澳寓所逗留至深夜才離去,因而傳出緋聞。

入豪門撻 Q

本身在大台得月薪萬五的葉翠翠, 08年搭上內地富商黃有龍,之後竟以一炮過 3千萬連買兩個賽西湖單位,兩人更去到談婚論嫁階段,惟最後被趙薇截糊。

斷正約會計師

葉翠翠在 2011年被斷正與任職會計師樓的唐業銓在金鐘香格里拉酒店撐枱腳,之後更同車離去。

《蘋果日報》圖片

波子男接載

13年,葉翠翠被發現有一名年約三十歲的男子駕着 120萬保時捷跑車接她收工,男方發現記者後更即時黑面發難。

圈中好繼母

做好繼母呢個角色並非易事,難得葉翠翠跟未婚夫的女兒十分投契,沒有隔膜。其實圈中都有不少稱職繼母,多年來對「子女」視如己出,關係融洽。

林青霞

林青霞在 94年與富商邢李㷧結婚,之後一直與丈夫跟前妻張天愛所生的女兒邢嘉倩生活,兩人關係猶如親生。月前邢嘉倩接受訪問時亦承認說:「好好彩,呢啲係緣份,我依家咁大個會識得 appreciate,呢個都係佢對我父親嘅愛。我同佢關係好好,我好多嘢唔使講佢都知。」

范姜

范姜跟丈夫鍾鎮濤與前妻章小蕙所生的女兒鍾嘉晴情同姊妹,經常被拍得孖公仔逛街。上月尾范姜與阿 B補擺婚宴,嘉晴都有現身祝福他們。

《蘋果日報》圖片

李玟

李玟與本身育有兩女兒的丈夫 Bruce Rockowitz 11年結婚,婚後她一直未有懷孕,着力照顧兩女兒,視如己出,不時一同公開露面。早前李玟的老爺去世,她才坦言有意欲生小朋友:「以前覺得 Bruce已有兩個乖女就足夠,但依家真係好想要,我想生個男仔,到時為佢改老爺個名。」

鍾意就快D Share啦!