現年31歲，2007年港姐冠軍張嘉兒，當年回港選港姐後，與在加拿大男友，現年34歲的金融才俊Nate因為分隔異地而分手，後來兩人重遇後發覺仍然深愛對方，愛火重燃，Nate更為女友來港生活，這段戀情終於開花結果，張嘉兒上月突在微博貼出婚紗照公佈婚訊：「嘉兒找到『The One』喇！」她將做9月新娘，一對新人將返溫哥華行禮，張嘉兒到時正式升呢劉太。
預演送嫁
待嫁新娘張嘉兒已開始籌備婚禮，大前日更約同高海寧、莊思明、周美欣、陳芷尤和岑杏賢等11位好姊妹到澳門舉行婚前派對，兩日一夜之旅滿載笑聲，她們還換上三點式在泳池嬉水，眾女鬥晒身材。張嘉兒昨午把派對照片貼微博，把幸福與粉絲分享。當中閨密們換上黑背心襯桃紅紗裙，與婚紗look張嘉兒合照，眾女賣萌，索爆鏡前，猶如預演送嫁場面。
記者昨致電張嘉兒，她興奮說：「好開心呀，好難得約齊到，大部份係我《愛．回家》嘅拍檔，嗰日大家唔使開工就去玩。」她希望留下難忘回憶，所以眾姊妹都穿了同款伴娘裝拍照留念，當然最養眼是她們換上三點式泳衣。
至於同行的莊思明昨也在電話中說：「我哋上星期五約埋去澳門，玩咗兩日一夜，大家都好開心。」全女班吱吱喳喳傾心事，同時又擦餐勁，莊思明續說：「我哋送咗套衫畀嘉兒，希望佢最緊要開心同幸福，老公錫佢。」
採訪：比華利
|
鍾意就快D Share啦！
|
|
|