「夏日為大家帶來美腿」呢句說話，今日（6月8日）就喺張文慈個微博見證到呢句說話。
今日張文慈個微博就貼咗唔少出海照片，當中仲見到衛詩，43歲嘅張文慈就話︰「我們今天見到彩虹呀！What a beautiful day, thank you Jesus.」更大晒索爆白滑長腿，身材fit到爆，一啲都唔似43歲。
咁張文慈點解又會同衛詩一齊嘅？原來衛詩因為係日本吸毒被捕之後，就返教會重獲新生，鄭秀文、鄧萃雯及張文慈等人亦都係衛詩教友。衛詩依家望落比起以前精神咗唔少，個人都健康咗，難得又有太陽唔係太熱，於是約埋一眾教友出海玩水上活動。
