【冇着泳衣...】Twins喪射濕男模 阿Sa恨反串演丁蟹
2015-06-09 16:30:00
（攝影：馬建華）
炎炎夏日梗係要同陽光玩遊戲，Twins今日就去到淺水灣介紹一個夏日嘉年華，佢哋以水槍射濕男模特兒，又即興除鞋落水，跟一班模特兒喺水上足球場合照，阿嬌慘被男模特兒送波餅打中頭，佢即時還擊。
可惜佢哋地着Tee跟長褲裝束就被搶晒鏡，因大會仲邀請升Cup嘅顏子菲、姜麗文同JW，佢哋都各有睇頭，顏子菲當然係騷胸，姜麗文騷腰，而JW就騷「兩對胸」，原因JW個胸墊唔啱位，令心口出現兩對胸。
為何唔着泳衣現身活動，阿Sa笑指：「佢哋（指自己身材）怕醜，唔係隨便Say Hello。」今日阿Sa喺活動中全程戴超，佢解釋之前一晚睇《大時代》時，因為玲姐死而喊到眼腫；阿嬌指阿Sa早排最高峰時同時間追四套劇，而每次睇嗰套劇都想演劇中角色，阿Sa笑指自己從小已經愛煲劇，而《大時代》經已係睇第四次。
問到阿Sa想做《大時代》邊個角色？佢話：「佢哋每個角色都做得好好，冇得替代，若果要揀就反串做丁蟹。」當問佢有冇追看男友陳偉霆劇集，佢就低調指有時間先，都會有睇少少，佢仲自爆除了追劇，本身也是機迷不停打機，佢話：「連我媽咪都話我係網癮少女，最近我上網打機打到終於花錢去買武器過關，身邊好多工作人員都被我影響打埋一份。」
Twins今日齊齊戴超出席活動。
阿Sa穿長褲踢水
兩人拎住枝水槍
阿嬌中頭獎
Twins射濕男模
姜麗文露腰
JW都係露腰
顏子菲谷胸
哇...
|
鍾意就快D Share啦！
|
|
|
