有市民攜同35連張滙豐紀念鈔到好旺角中心放售，有店舖拒收，即使願意收購開價亦低。號碼普通或有4字、7字的紀念鈔，目前收購價低見24,000元。博雅藏品負責人胡先生直言35連張是「炸彈」不願沾手，「上海、北京都冇人接貨，完全冇order，我收完粉身碎骨點搞？」
他指滙豐紀念鈔定價高，轉售「水位少」，市場反應一般，加上內地打貪，較少人買紀念鈔送禮。除此之外，今次紀念鈔設計亦普通，硬紙套易「撞崩」，「撞到個角即刻差幾千蚊」，不像以往「炮筒」般易保存。
胡先生目前仍收購單張及三連張，收購價分別為750元及2,200元，「仲有一百幾十利潤」，預計明天回收價仍會再跌，35連張可能跌穿成本價，故「中咗都唔好開心」。他認為紀念鈔始終有保值空間，建議抽中的市民持貨數年，等待升值。他不建議市民自攜鈔票上大陸放售，因過關時要冒被沒收的風險。
面對低收購價，有市民稱寧願自用「當帶個好運返屋企」亦不放售。成功抽中35連張的畢先生靜觀其變，直言感到失望，加上鈔票號碼差，「有4又有7，考慮吓先，諗緊放幾年再賣定係低價放咗佢」。
|
鍾意就快D Share啦！
|
|
|
