荔園趕工 恐龍屋旋轉木馬現真身 政治時事,

其他影片：>>

日前荔園就舉行記者會，就可以見到滑稽恐龍屋嘅恐龍頭，係喇，得個頭。今日呢，個恐龍頭已經經黐咗上恐龍身度喇！呢隻恐龍，其實係滑梯嚟嘅，約三層樓高左右，瀡一次要4個代幣，一個代幣10蚊，即係40蚊瀡一次啦。

今次嘅恐龍屋同以前嘅恐龍屋有啲唔同，以前嘅恐龍屋個樣比較凶惡，如果大家有睇過周星馳嘅《回魂夜》，就會記得當年星爺話自己點解咁大膽：「四歲嗰年見過傳說中嘅尼斯湖水怪。」當時星爺口中嘅尼斯湖水怪，就係當年荔園嘅恐龍屋喇。不過今次恐龍屋個樣就比較滑稽啲！

除咗恐龍屋，有淘氣小木馬(即係旋轉木馬)。啲馬仔都好cute cute，好似短腳馬仔咁，仲有啲瞓咗喺爛地，未砌上去。成人玩一次需要4個代幣。

如果想睇更多荔園嘅設施，詳看另文。

	有成三、四層樓高。
		恐龍條尾！
	旋轉木馬仲趕緊工。
		(荔園．集體回憶facebook專頁圖片)
當年嘅旋轉木馬。(荔園．集體回憶facebook專頁圖片)	當年喺回魂夜入面嘅恐龍屋。	個樣係唔同咗嘅。

鍾意就快D Share啦！

下一篇 》