香港冇得撈，周永恒投奔強國，早前到北京考健身教練牌，現在於深圳開健身店做老闆。移居大陸，佢索性喺facebook公告微信id，叫大家add佢，方便聯絡。
唔好以為分隔兩地，佢同Ruby嘅關係就凍過水，其實Ruby唔只北上送外賣，更貼錢打本俾周永恒開健身店。出動完私己錢，銀行戶口虛空唔少，Ruby亦努力接job搵錢。雖然之前佢識咗啲大陸製作人，無啦啦變咗美容達人，幫內地做化妝同美容節目，但始終未夠多job。最近佢狂接model job，商場騷、硬照大小通吃，而且價錢唔會企得太硬，實行密食當三番。
為谷人氣，佢更索性俾大家公開「睇版」，近期在ig狂post三點式靚相，仲話自己有人魚線，真係打不死！
