網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月8日 星期一

劇名有「風雲」收視必爆? 《風雲天地》會唔會例外? 風雲天地,





嚟緊爭劇《風雲天地》會接住《潮拜武當》播出,由「經過那些年」嘅汪明荃、趙雅芝、劉愷威、唐嫣、蕭正楠等主演,阿姐又再飾演女人,與趙雅芝有唔少對手戲,仲會兜巴摑劇中3個仔。

講起『風雲』兩隻字,你係咪只係諗起聶風同步驚雲呢?其實『風雲』除代表郭富城同鄭伊健之外,原來都代表收視保證!唔知到時《《風雲天地》》會唔會可以繼續食住『風雲』條水,成為收視救星;抑或會打爛『風雲』嘅收視金漆招牌呢?歷年有邊套「風雲」係收得嘅呢?

《風雲》1980

由唔識老嘅劉松仁、馮寶寶、黃杏秀同林子祥主演。故事以元朗鄉村做背景,講述主角劉松仁點樣不擇手段追求有錢女馮寶寶,搞到最後不能自拔,打空氣針自殺身亡。相信仍然有唔少人記得黄杏秀被孟達一幕,觀眾睇到好緊張,震撼程度不亞於《大時代》。呢套劇播足65集,曾經1992年及2014年重播,舊年《竊聽風雲3(又係呢2個字?!)都要搵容祖兒翻唱套劇嘅主題曲做電影主題曲,有幾受歡迎唔駛多講啦。

《笑看風雲》1994

40集長劇,卡士有鄭少秋、鄭伊健、郭晉安、郭藹明、陳松伶、古巨基及許紹雄等等,係秋官繼《大時代》後嘅又一力作。故事都係講述職場上嘅角力,仲有鄭伊健陳松伶嘅感情線,仲仲有秋官唱呢首主題曲時嘅舞姿(慢歌都有舞跳!)。呢套劇集曾經被某雜誌選為該年度十大最受歡迎電視劇之一。

《酒店風雲》2005

由馬德鐘、郭可盈、卓羲、姜大偉同官恩娜主演,顧名思義就當然係講述酒店嘅權力鬥爭啦。話酒店擁有權唔知點解去唔係繼承人嘅馬德鐘度,三兄弟終於肯同心協力去爭返個鼓勵權。後來發現原來馬德鐘係為激發佢哋三兄弟嘅同心先至以敵人身份入侵酒店。呢套劇集最高收視都去到40點,TVB劇幾耐冇試過收呢個數?

《賭場風雲》2006

有酒店又點可以無賭場呢?呢套劇集由歐陽震華、苗僑偉、宣萱、黃宗澤、楊 怡、許紹雄等主演。歐陽震華仲因為呢套劇集入圍35屆艾美獎最佳男主角添。故事係講年輕嘅歐陽震華18就已經成為世界撲克王大賽嘅大熱,但係後來因為苗僑偉同郭少芸令佢輸,仲唔見埋個細佬黃宗澤。20年後BOBBY再與苗僑偉相遇,再次喺賭枱上一較高下。劇中最有印象嘅,一定係歐陽震華、苗僑偉同埋許紹雄嘅兄弟情,可惜最後許紹雄飾演嘅周福榮,俾苗僑偉飾演嘅喬正初意外害死,周福榮死幕,唔少觀眾都好傷心,同時大讚許紹雄嘅演技添呀!呢套,都收過40點。

月風雲》2007

應該對好多90後都唔陌生,Cast仍然有『風雲』系列嘅劉松仁、苗僑偉、馬德鐘、卓羲等等。今次故事就以香港主權移交十週年為背景。不過原來呢套劇係TVB同中央電視台合作嘅,所以先喺上面播然後先到香港大台播。由於有『風雲』收視保證,最高收視都去到39點。

《法外風雲》2013

前年台慶劇,仍然都有大Cast,包括陳豪、黎耀祥、陳法拉、伍詠薇、岳華、鍾景輝等等。劇情都係典型法庭劇,打吓官司鋪吓感情線咁,最記得嘅一定係王浩信被飾演佢阿媽嘅謝雪心怒摑咗23巴。收視一路平平無奇,但係結局最高收視又彈上去36點,唔通「風雲」真係咁有威力?

鍾意就快D Share啦!