樂易玲Bobby互寸罵戰升級
藝人歐陽震華（Bobby）傳出不被無綫續約，其經理人Lydia直斥無綫製作資源部總監樂易玲親口說「有啱先搵你」，令事件演變成羅生門。樂易玲昨日罕有「空降」劇集宣傳活動並親自解畫，但未能平息「戰火」，反而一句「經理人應要面面俱圓」，Bobby聞言即忍不住維護Lydia：「大家岩岩巉巉先至夾到嘅！」令隔空罵戰升級！
經理人應面面俱圓！
樂易玲「空降」劇集宣傳活動，為近日與Lydia鬧出的續約風波解畫，話裏有骨！
大家岩岩巉巉先夾！
Bobby挺身力撐經理人Lydia，指大家同樣「岩岩巉巉」至夾！
樂易玲在曾醒明陪同下回應風波，吸引大批記者追訪。
Lydia
楊怡與蔚雨芯瞓身宣傳，但風頭卻不及樂小姐！
無綫「收視福將」歐陽震華（Bobby）的經理人Lydia日前踢爆與無綫傾Bobby續約時，獲製作資源部總監樂易玲答覆「有啱先搵你」，但樂易玲其後否認曾說這句話。Lydia前日「發炮」指感到被屈，更踢爆這句話是樂易玲親口講，令事件演變成羅生門。昨日，無綫劇集《潮拜武當》活動將近完結時，向來鮮有出席劇集宣傳的樂易玲在無綫企業宣傳部副總監曾醒明陪同下現身，明顯是為今次風波親自解畫。
不容獨行獨斷
對於Bobby「不獲續約」一事，樂易玲強調與Lydia從去年12月已開始傾合約，強調公司沒有說過不再與Bobby合作：「唔想就唔會傾五至六個月」問到被Lydia指曾親口講「有啱先搵你」，她表示會議細節不便透露，但話中帶有玄機：「可能係講嗰個意念同接收者有出入，我唔覺得誤解係咁大嘅問題！TVB有好多部頭合約嘅藝員都有經理人，我認為大家要好好坐低傾，先至可以為藝人爭取最好嘅利益，所以做經理人嘅應該係要面面俱圓。」至於Bobby的合約是否已交由另一高層曾勵珍處理，樂易玲說：「依家由珍姐去傾，傾好由我哋藝員部同佢簽約。」
談到續約風波中，Bobby揚言信任Lydia，樂易玲表示他們是工作夥伴，關係一定密切，所以沒有因報道而生氣及不開心，並強調：「公司所有事都係有制度，唔係我可以獨行獨斷。」她又表示對Bobby續約有信心，下星期會再跟進外，又透露正跟胡杏兒傾談合約中。而曾醒明亦在最後重申，無綫從頭到尾都沒有說過不與Bobby續約。
樂易玲話中有話的指做經理人應該要面面俱圓，Bobby昨日接受本報電話訪問時立即維護Lydia：「咁咪啱囉！咪同我夾囉！因為大家岩岩巉巉先至夾到嘅！」他表示與Lydia合作了十多年，十分信任對方，又指合約全權交由Lydia負責：「Lydia同珍姐好熟。」
「誤會嘅話想知點解」
對於樂易玲強調「有啱先搵你」只是誤會，Bobby說：「冇咩誤會，只不過想攞番個公道！講咗出嚟大家了解咗，有多把聲音，好過得一把聲！大家都係執着呢句（有啱先搵你），咁都係誤會嘅話，大家都想知點解，我做到依家都想學吓電視台嘅運作！」他自言不想搞大件事，認為誤會可解決，而Lydia在截稿前未有回覆。
經理人應面面俱圓！
樂易玲「空降」劇集宣傳活動，為近日與Lydia鬧出的續約風波解畫，話裏有骨！
大家岩岩巉巉先夾！
Bobby挺身力撐經理人Lydia，指大家同樣「岩岩巉巉」至夾！
樂易玲在曾醒明陪同下回應風波，吸引大批記者追訪。
Lydia
楊怡與蔚雨芯瞓身宣傳，但風頭卻不及樂小姐！
|
鍾意就快D Share啦！
|
|
|