廣州直擊 風水飾物年賺二千萬 麥玲玲開新舖逼爆玻璃 [忽然1周 - 1044] 麥玲玲,MW,

排隊買吉祥物

「吉慶堂」以賣吉祥物為主，咪睇舖面細細，見面會（ 19日）當日便吸引 500粉絲到來「朝聖」，更因此逼爆玻璃。

娛樂喧

廣州直擊　風水飾物年賺二千萬　麥玲玲開新舖逼爆玻璃

風水玄學一向有龐大市場，近年強國人富起來，富豪、高官紛紛熱衷趨吉避凶，造就風水玄學家在強國風生水起。

笑稱自己已移民內地的麥玲玲，微博粉絲超過 200萬，兩年前成立網購「吉慶堂」，小本生意卻獲大利，一年盈利高達 2千萬人仔。

日前，她在廣州新舖舉行見面會，吸引五百粉絲到場，更墟冚到逼爆玻璃。麥玲玲笑言：「佢哋成日講『錢不是問題！最重要是你來吧！』」玄學家化身生意奇才，成功締造神州掘金故事。

「吉慶堂」是麥玲玲 4年前開設的吉祥品專賣網店，短短兩年已獲利甚豐，生意額達 2,000萬人仔，她坦言：「單係上年交稅，已經交咗 200幾萬。」

內地爆紅

在內地甚受歡迎的麥玲玲，被內地人稱「玄學天后」，微博粉絲人數至今超過 200萬。據知她每星期平均有 3天走省演講，年賺逾千萬。

位於廣州中華廣場的「吉慶堂」舖位，是麥玲玲月前以 400萬人民幣購入的，自己物業，就算將來唔做也可放租。

棄上市開實體店

由於網購店有龐大利潤，因此早前吸引新加坡上市風水公司新天地集團有意收購，但麥玲玲最後決定將吉慶堂實體化。她透露：「其實開舖頭係希望可以定期同粉絲見面，所以之前就用咗 400萬人仔買咗廣州中華廣場 4樓呢個舖位。不過冇諗過當日見面會（ 19日）會咁多人，高峰期有五百幾人，仲逼爆咗門口塊玻璃，真係好誇張。」據麥玲玲透露，除了廣州店外，她亦打算在深圳、上海和北京等地開實體店，務求做到一城一舖的大計。

開舖照顧老人家

吉慶堂本身是網店，主要消費群是 90後，因年紀大的顧客唔識上網，故麥玲玲月前決定開舖頭。

幾百蚊有交易

「吉慶堂」產品涵蓋開運飾物，如姻緣、學業、財運、家宅等，大部分定價數百元人民幣，屬中價，但依然客似雲來。

運財陣任摸

中國人迷信，麥師傅睇準呢點，在店內擺出「運財貔貅陣」供顧客隨便摸，自然吸引人幫襯。

桃花陣引盛女

大門外的巨型「極上桃花陣」亦是鎮店之寶，吸引不少年輕盛女。

睇準強國人心態

麥玲玲指出，網店發展的吉慶堂主要消費群為 90後，因為宣傳主要在微博進行。而實體店則希望開拓成熟消費群。麥說：「叔叔嬸嬸唔識上網。」她還透露，內地人消費模式與香港人不同，亦因此造就她大賺人仔的機會。「香港人犯太歲只會為自己買飾物，但內地人唔同，佢哋會幫親戚朋友買，所以一買就買一大堆。當中最好賣嘅就係開運飾物，如姻嫁、財運、學業，每日最少走到 400件貨。」

深圳買獨立屋

幾乎將搵食基地北移的麥玲玲，早前亦在深圳觀瀾湖購入 5千呎獨立屋，方便穿州過省。

人緣甚好的麥玲玲，在深圳置業其中一個原因是招呼客人，逾千呎大廳請朋友食飯嘆紅酒，真爽。

開發新產品

近年麥師傅四出做樓盤開幕嘉賓，講幾句就收 6、 70萬人仔，真係古語有云：「一命二運三風水」，玄學生意在內地確實有龐大市場。

開運飾物大賺，令麥玲玲雄心壯志，打算開婚嫁用品市場。「結婚市場好大，以前結婚的確有唔少禮俗，但依家要喺國內搵一套好嘅新抱茶杯好難，而上頭同過大禮嗰啲物品都有唔少禁忌，所以如果專門出呢啲用具，應該會有市場。」

財來自有方，吼準商機加食腦再加綽頭，難怪麥玲玲在國內賺到盤滿缽滿。

撈過界

百足咁多爪的麥玲玲，玄學以外的副業不少，扭開電視或去戲院都見到佢，歌、影、視玩晒。

歌

年前農夫邀請麥師傅合唱〈風生水起〉，熱爆網絡，之後經常三人行孖住出活動。

影

12年杜汶澤找來麥師傅拍攝《低俗喜劇》，飾演催眠師一角。

視

前年她入埋電視台拍劇集《八卦神探》，不過據聞只收封「利是仔」責吓袋。

鍾意就快D Share啦！

下一篇 》