熱爆娛樂: 摸手仔送秋波　夏蕙 BB再嗒嫩男 [忽然1周

2015年7月31日星期五

摸手仔送秋波　夏蕙 BB再嗒嫩男 [忽然1周 - 1044] 夏蕙,黃夏蕙,MW,

夏蕙 BB今次同 Rex雖然沒有激咀場面，不過卻可以換來抱抱。

娛樂喧

摸手仔送秋波　夏蕙 BB再嗒嫩男

夏蕙 BB雖然年過八十，但「艷福無邊」。繼早前拍微電影夥拍嫩男兼激咀後，最近再被廣告商睇中，以五位數字邀她拍攝 USB hub廣告，有錢賺之餘更有機會再同嫩男談情說愛。

夏蕙 BB在廣告中的男拍檔 Rex，年僅 21歲，目前修讀城大心理學，乃嫩口怕醜仔，與夏蕙 BB拍談情戲份時，尷尬硬晒軚。夏蕙 BB惟有主動投懷送抱，捽完手仔再嚟個愛的抱抱。 BB發功，完全將嫩男融化。

7月 17日，廣告大隊一行人到清水灣的海灘開工。故事講述一個阿伯為夏蕙 BB修理家中電腦配件，原來兩人年輕時曾互相愛慕，雖然感情最終沒開花結果，但他仍一直默默守護她。

上次夏蕙 BB在微電影《五顏六色愛戀過》中，曾經跟嫩男激咀。

捉手仔教搭膊頭

夏蕙 BB說拍攝當日太陽很猛烈，她曬到汗流浹背，想不到「男朋友仔」突然拿出芭蕉扇為她「降溫」。夏蕙 BB嗒糖話︰「 Rex怕我個妝溶呀。佢真係好靚仔，斯斯文文。當時見到我佢好怕醜㗎！我咪捉住佢隻手叫佢搭住我膊頭囉。哎呀，佢真係好細心，我諗佢可能未拍過拖。惟有我大膽啲」

廣告玩時光倒流，還用了陳慧琳舊歌〈最佳位置〉的歌詞「互有好感的尊重，更加可貴麼」作為廣告片尾的餘音。

除了夏蕙 BB，今次還會有三個比堅尼索女一起拍這個廣告。

Polly（左一）與 Rex（右二）分別飾演夏蕙 BB與阿伯年輕版。

自讚身材惹火

廣告片玩時空交替，夏蕙 BB年輕版則由一位索女 model Polly飾演。拍攝時， Polly穿上彩色比堅尼在沙灘玩耍，男主角在旁邊照顧她。其中有一幕 Polly瞓沙灘， BB亦拍了一個 shot瞓沙灘，然後鏡頭交疊。

談及這個場口， BB說︰「我後生嗰陣好鍾意游水㗎，嗰陣身材都唔錯，幾惹火。不過依家做咗阿婆啦，唔通仲着（比堅尼）咩！」好彩 BB識得為觀眾着想，真係善哉善哉。