| 張惠雅慘遇電話騙案，不小心把自己的個人資料外洩，搞到要報警求助！ | next 1/1 pre |
 | |
| 張惠雅心知不妙，下午到了警署報警求助。 | next 1/1 pre |
 | |
| 張惠雅FB留言自爆遇上騙徒。 | next 1/1 pre |
 | |
| 張惠雅頭頭碰着黑，早前遇上車禍撞歪鼻。 | next 1/1 pre |
 | |
| 下次要小心啲呀！ | next 1/1 pre |
騙徒的手法層出不窮，而且緊貼時事，近日有不法份子看準港人熱衷網上購物，於是就假扮速遞物流公司，以「釣魚」方式致電受害人取個人資料。最新的苦主竟是前組合HotCha成員Regen（張惠雅），Regen在facebook上發長文講述被騙經過，她說接到操普通話聲稱是速遞公司的來電，指她有郵件然後問她索取全名和身份證號碼。
被指包裹遭扣查
大清早給來電吵醒的Regen未及細想就乖乖向對方奉上珍貴的個人資料：「一個男人接聽，問我名加身份證，我好愚蠢咁講晒出嚟。」然後對方又指她上月寄出一個包裹，在深圳被扣查，內裏發現有十多本護照，更堅持要幫她將電話轉駁到上海公安報案。愈聽愈覺不對路的Regen最後掛斷對方電話，但有感已將全名、身份證及電話號碼給了對方，於是在FB留言：「好恐怖，我係咪會瀨嘢！」不少人紛紛向她留言指她遇上騙徒，建議她盡快報警備案。
警署報警求助
而下午Regen就親身到東涌警署報警求助，事後她受訪時表示：「因為我冇留意，接通電話係個講國語嘅男人，成件事我覺得好真，因為我以前都喺佢講嗰間速遞公司買過嘢，所以佢問我全名同身份證碼核對資料，我好低能咁講晒，連屋企電話都講埋。」到後來當對方稱其包裹被扣查，又稱查到當中有十多本護照時，才心知不妙，向對方表示要報警：「佢好似有少少淆底，奇奇怪怪，話要我打去上海公安定報案，加上我又聽唔清佢啲國語，唔知佢係咪心虛，少少唔耐煩，我就話唔講收佢線。」
「清醒」後的Regen才細心回想，一般網購即使要核對身份，都只需証件上最後三個數字，她笑言：「知自己瀨咗嘢！希望大家都留意下呢啲新聞，呢排我做嘢冇乜留意警訊，唔知道有呢啲騙案。」又解釋自己當時因「神智不清」才中招：「因為畀電話嘈醒，朦朦朧朧先答佢問題，第一次接觸呢啲騙案，都唔係蠢呀，我都冇畀（銀行）戶口冧把佢，不過都係報警安全啲。」
事後Regen亦在網上向朋友「報平安」，稱已到警署備案，連負責落案的警員亦向她表示近來多了很多同類案件。
|
鍾意就快D Share啦！
|
|
|