中國小姐爭入伍 鄧麗欣滴汗
中國女排有貌似男性的「男神」張曉雅，香港娛樂圈亦有「排球女神」鄧麗欣（Stephy），她早前以「班主」身份自組排球隊Loey，隊中不乏長腿索爆球花，球隊昨日舉行招募，吸引半百平均15、16歲的參加者，最細僅得12歲，連今年出了寫真的2010年度中國小姐香港區亞軍柯嘉琪，以及身高1米70的索模都來面試，成功吸納又Young又高的新血，難怪Stephy坦言流晒口水。
鄧麗欣昨日以「班主」身份帶領自組的排球隊出席隊員招募活動，由於隊中擁有不少又高又索的「球花」，故吸引數十高質素女球員面試，平均年輕介乎15、16歲，當中一名是僅得12歲、身高1米63的江瓔庭，亦吸引今年推出寫真、於2010年參選中國小姐奪香港區亞軍的柯嘉琪現身，同場還有一名不願上鏡、身高1米70的長腿索模。
身高最緊要
柯嘉琪事後受訪時稱未知是否入圍，但信心爆棚謂：「我有5呎7吋，比其他人高，之前喺國際學校又參加過排球隊。拍完寫真肥咗好多，想靠打排球Keep Fit。」
Stephy昨在烈日下與參加者對打進行選拔，雖然曬到汗流浹背，但Stephy表現相當落力，封網、救波、殺波樣樣齊，Stephy受訪時笑言特意收起球隊的「球花」：「今日嚟搵有熱血、熱心同堅持嘅人選，所以要收埋啲長腿。（能夠入選要有樣同身材？）樣就唔使，身材就要，最好有1米70以上，我就係冇咁高，先想搵啲高過我，頭先見到幾個都流晒口水。（要後生？）今日平均年齡16、17歲，最細12歲。」
要五名新人
Stephy透露將挑選5名新隊員：「依家球隊有14、15個，最多加多5個。（好多人後備？）多啲人練波士氣都好啲，多人競爭進步大啲。」問隊員流失率高不高？Stephy謂：「開始嗰啲好多因為學業、工作或覺得辛苦而冇再打，當初可能抱住玩嘅心態，但我哋練波好辛苦，腳都瘀晒，依家一星期練兩日，每次兩個鐘，我覺得未夠，可以再練多啲。（有時間？）依家擺打波都幾前，工作可以押後就押後。」
問有否時間見男友方力申？Stephy說：「冇辦法，要就，佢有睇我練波。（佢睇其他女仔？）算啦，佢嚟當睇我。（叫佢做助教？）佢唔識，叫佢執波差唔多。」
文：音樂組
|
鍾意就快D Share啦！
|
|
|
