全城熱爆的娛樂八封新聞 & 時事趣聞 & 生活 + 趣聞
黃逸璋同中女女友喺酒店嘆完紅酒有幾開心？睇吓佢個眼神，唔係熱戀係咩呢？
後生仔女嘅感情世界，媽咪姐有時都唔係好明白。上年何嘉莉突然發聲明，話同發記甜品老闆黃逸璋結束 8年婚姻，但會共同撫養 3歲囝囝黃尚恩。
轉頭傳何嘉莉因黐 Moiselle太子爺陳柏熹搞到離婚，由發展時裝事業，變咗發展第二樣嘢囉。咁何嘉莉前夫又點呢？呢晚媽咪姐去中環四季酒店飲完世姪女結婚嗰餐，就見黃逸璋同位中女喺酒吧談完心出嚟。嗱，佢哋等車嗰陣，唔只情深對望，中女又好主動搭住黃生膊頭，而黃生又好有風度咁，開埋車門扶住中女條腰仔送人上車。睇佢笑到含春咁，親密關係唔使媽咪姐講喇啩！
中女女友呢頭搵黃逸璋膊頭𢲲手，到上車喇，又到黃生扶人條腰，表現咁親密，朋友唔會咁啩？
上年離婚何嘉莉同黃逸璋相戀前後 9年，囝囝黃尚恩依家得 3歲，真係冇諗過會分開。
何嘉莉話同陳柏熹合作，轉頭又俾人見到佢哋一齊夜蒲，傳緋聞好正常吖！講真，清者自清囉！
