全城熱爆的娛樂八封新聞 & 時事趣聞 & 生活 + 趣聞
發福唔少嘅呂方，再襯埋副圓形眼鏡，直頭同 Minions一模一樣！
真係唔好睇小啲半百中佬，好似 50歲而又搵到錢嘅林保怡，識買靚車慰勞自己；而 53歲嘅呂方呢，就以可愛造型冧女，不知幾醒呀！話說日前，喺中環連卡佛見到呂方喺入面氹氹轉。咦，望落有啲唔同樣噃，原來佢換咗副圓框好 cutie嘅眼鏡，哈，再加上佢「圓渾」嘅身形，竟然同近排 hit到爆嘅迷你兵團（ Minions）好鬼似！唔通女朋友鍾意佢扮 cute？
外形雖然夠晒可愛，不過買起嘢上嚟，就好鬼婆媽，左睇右睇，拎起又放番低，最後乜都冇買，兩手揈揈行出嚟。
