掃呢頁CODE去手機

2015年8月6日 星期四

搵食工具 魔鬼胸包唔晒 蔚雨芯暴曬吸金 [壹週刊 - 1326] 蔚雨芯,M1,



為幫補唱歌事業,蔚雨芯要搵其他出路𢱑銀。魔鬼胸面世兩年,蔚雨芯一直是高登仔追捧對象,殺出血路。

探熱針

搵食工具 魔鬼胸包唔晒 蔚雨芯暴曬吸金

胸器可以用嚟「襲擊」,亦都可以吸金。出道三年,有「魔鬼胸」之稱的蔚雨芯,胸器例不虛發!之前在大台節目上演「超強倒奶一分鐘」成功吸睛,上週再以火辣比堅尼出海,在 34度高溫下暴曬最強武器吸金!由零收入捱到如今達七位數進賬,全靠「事業芯」夠強。

女一都推

在劇集《潮拜武當》中,蔚雨芯小背心透黑 bra出微力,已引來網友 cap圖熱講,夠人氣,廣告商即刻有反應,搵「魔鬼胸」取代黃智雯做「 Spa Collection」代言人。上個禮拜,蔚雨芯著住塊布唔細,但都包唔住 32D的比堅尼出海拍廣告,火辣度天氣溫度,火上加油。

由蔚雨芯變「事業芯」,超強胸器有市有價。係咁意已有六位數入袋,不過即使靠本錢搵錢,她都有底線,甚至試過推 job連女主角都唔做。

「前年出寫真集後拍咗套《微交少女》,我肯接原因係題材寫實,啲激嘅場口又有替身,我接受到!之後再有兩套戲搵我做女主角,都係要好 sexy同拍啲性愛場面,出寫真極其量只係睇相,就算性感都有美感;但銀幕畫面就要俾人摸、要錫,個角色可能毫無發揮,咁我真係接受唔到。一場半場性感冇問題,成套都係賣弄,呢種女主角我唔恨做。雖然我唔係讀書多,但絕對知自己做緊乜。」蔚雨芯好清晰。

攤喺遊艇咁曬法,事前梗要狂搽太陽油打底。呢個任務只要佢開聲,相信好多人願意為佢效勞。

「胸器」係用嚟吸金,即將踏入廿二歲的她獲廣告商垂青,接黃智雯棒做美容代言。相比上一代, 32D冇乜遮掩的蔚雨芯更有睇頭。

第一桶金

三年前,蔚雨芯以歌手身份入行,但單靠出碟冇飯開,香港樂壇根本搵唔到食,頭一年零收入,第二年為 J2台到墨西哥拍旅遊節目,要落水同魔鬼魚玩,攞正牌水著示眾,自此「魔鬼胸」打正旗號,令蔚雨芯成功賺到第一個一百萬,養到家。

「做歌手好難生存,就算我唔放棄,都要做其他 job去幫補,如果唔係,就算再捱多幾年,都未必賺到我而家嘅錢。好彩我有父母支持,頂到頭一年,拍咗個旅遊節目後,我先知呢樣(身材)係咁吸睛,仲可以吸金。但唔可以成日用呢招,平時我好密實,去到拍廣告或者拍戲劇情需要,同出席水上活動先會咁性感。」善用胸器,又用得其所,只得二十一歲的「事業芯」,有排玩。

有幾多人記得蔚雨芯是唱歌出身,出過兩張唱片,但無論唱功幾了得,都不及一次魔鬼胸爆出。

當歌手前, 11年她以 17之嫩齡參選港姐,因被指貌似周秀娜,而被冠以大胸娜姐稱號,不過最後冇入圍。

前年在泰國拍攝寫真,一個動作跌半球,令網民噴晒鼻血外,兩套電影女主角合約亦隨之而來,但因演出尺度太激,性感有底線的她推晒。

識得露

出道三年, 32D「事業芯」例不虛發,令久旱的網友引頸以待,攤長玩。

墨西哥初露

無心插柳,同狄易達為 J2台到墨西哥拍旅遊特輯,落水同魔鬼魚玩,三點式首露熒幕,魔鬼胸就此誕生。

泰國寫真半裸

食住魔鬼胸光環,有人投資出版寫真,二十歲卜卜脆半裸,新人歌手中最搏。

銀幕大膽

踏上性感之路,工作接腫而來。去年接拍寫實電影《微交少女》,露點鏡頭由替身上陣,不過蔚雨芯仍不乏倒奶演出,有身材有演技,獲導演翁子光點名讚。

南極挑戰

去年再夥拍狄易達和廖啟智同到南極拍內地旅遊節目,在冰天雪地玩性感,再一次成為焦點。

倒奶一分鐘

《超強選擇一分鐘》首集出現死機情況,第二集蔚雨芯連同兩位好身材的 Jeana(何佩瑜)及曾淑雅水著玩遊戲,令節目起死回生,其中蔚雨芯失平衡跌落水變落湯雞一幕,最吸睛。

暗器

唔少暗藏「胸器」的女藝人,平時收收埋埋唔喜歡「演嘢」,一旦放開懷抱,簡直開心大發現。

梁靖琪  36C

有大奶奶之稱的梁靖琪 Toby,在《衝上雲霄 2》做空姐,要跟一班比自己後生的女藝人著泳衣出鏡,大奶奶三點式晒 36C,一啲都唔手軟。

王君馨  34D

唔聲唔聲嚇你一驚的「處女馨」,在大騷扮台灣G奶天后蔡依林出晒位,又在古裝劇《耀舞長安》露半球被強姦,就算戲份唔多,一樣砌低女主角鍾嘉欣、胡杏兒。

鄧紫棋  32D

細細粒的 G.E.M.平日密實,不過人細 cup勁,出大騷或開個唱都會自動波晒料,有聲有畫面。

鍾意就快D Share啦!